शब्दखेळ (3)

बडीशेप मस्त आहे अवनी...
१, ४, ७ राहिले, सुचत नाहीयेत....

साधारणपणे शब्दाचा अर्थ आणि उपशब्द सूचक दिले आहेत.
अक्षरसंख्या कंसात.
बाकी आहेत

१. नटूनथटून छान
उघड माझे कान (३)
१.(सुधारित )
मला तालात टाळी देऊन कान उघड

४. जोडीने सुसाट इथे धावा, गा (४)
४. (सुधारित )
जोडीने इथे सुसाट धावा, गा...
असं नाही दिलंय....आता विचार करा

७. रावसाहेब, बसा. पाहुणचार घ्या. नसत्या उठाठेवी कशाला (४)

Submitted by अवनी

. नटूनथटून छान
उघड माझे कान (३) : समज

2. रस्त्याचे नववे डोके (४) : मार्गशीर्ष

३.पायाचा नोकर डोक्यावर बसे ! (३) :पगडी

४. जोडीने सुसाट इथे धावा, गा (४)

५. सभोवती सुरुवात करून स्वतः:च्या डोळ्यात बघ (३) :मुसळ

६. कृष्णाकाठी थाटले नांगराचे दुकान (४) :हलवाई

७. रावसाहेब, बसा. पाहुणचार घ्या. नसत्या उठाठेवी कशाला (४)

८. तृणधान्याची गोड बाजू फेकून दे (३) :पाकड

९. आकार मोठा आहे पण टाक तोंडात (४) : बडीशेप

१०. श्वास घेऊन सा लावला म्हणून हसतोस काय ?शूरवीरच की ! (३): साहस

अवनी, पाकड चे स्पष्टीकरण काय?

पाकड हे बाजरीच्या आकाराचं थोडं त्रिकोणी आणि सागरगोट्याच्या रंगाचं बी असतं ..पाखड असंही म्हणतात.
५० -६० वर्षामागे बाजारात तांदूळ मिळत त्यात हे बी हमखास असे.निवडक धान्य जमान्यात आता ते कुठेच दिसत नाही

पण गोड बाजु कुठली?

मी पण

4 आणि 7 दोन्ही interesting आहेत.
सोडवा

४. जोडीने सुसाट इथे धावा, गा (४) >>>>> वेगेवेगे
वेगे = सुसाट
वेगेवेगे = जोडीने सुसाट
इथे धावा, गा = वेगेवेगे धावू ( ससा तो कसा गाण्याचा संदर्भ)

७. रावसाहेब, बसा. पाहुणचार घ्या. नसत्या उठाठेवी कशाला (४) >>>>> पंचायत
रावसाहेब = पंत
पाहुणचार घ्या = चाय (चहा)
प्यायलेला चहा पंतांच्या पोटात गेला = पं (चाय) त

याहून अधिक नाही सुचत.

कारवी , छानच !
पंचायत ..अगदी बरोबर
चहा ..पोटात ..हाहाहा

ओके.
४. साठी सूचक
जोडीने येणारा शब्द तिथेच लपलाय. शोधा बरं
अर्थदर्शक शब्द दिलेला नाही. दिला तर कोडे फारच दोरीसूत होईल

थोड्याच वेळात उत्तर सांगते.
मंडळी,
'कोडे फारच दोरीसूत होईल' यात एक सूचना आहे

४ भागाकार

'कोडे फारच दोरीसूत होईल' यात एक सूचना आहे >>> ते कळले पण क्लिक नाही झाले अजून

धावदोरा आहे का

धावधाव ( धावधाव विठू आता असा धावा करणे)

धागाधागा
धागा जोडीने वापरला
धा वा गा --- धा अक्षर वापरा किंवा गा अक्षर वापरा
पण मग सुसाटचे काय?

धागाधागा <> लगालगा = लगबगीने = सुसाट
धागा चा समानार्थी लगा

धागाधागा

मानवजी
योग्य धागा पकडलात
आता त्याला functional करा

कारवी...किती जवळ आहेस उत्तराच्या

तुम्ही इतका छान प्रयत्न करत आहात की उत्तर सांगावेसे वाटत नाही पण पुढचे पाच तास इथे यायला जमणार नाही म्हणून सांगते
सुसाट इथे धावा गा
यांची आद्याक्षरे घेऊन उत्तर
सुईधागा
(सुसाट इथे च्या ऐवजी इथे सुसाट चालणार नाही अशी एक सूचना मी दिली होती)

नटूनथटून छान
उघड माझे कान (३) : समज

2. रस्त्याचे नववे डोके (४) : मार्गशीर्ष

३.पायाचा नोकर डोक्यावर बसे ! (३) :पगडी

४. जोडीने सुसाट इथे धावा, गा (४) :सुईधागा

५. सभोवती सुरुवात करून स्वतः:च्या डोळ्यात बघ (३) :मुसळ

६. कृष्णाकाठी थाटले नांगराचे दुकान (४) :हलवाई

७. रावसाहेब, बसा. पाहुणचार घ्या. नसत्या उठाठेवी कशाला (४) :पंचायत

८. तृणधान्याची गोड बाजू फेकून दे (३) :पाकड

९. आकार मोठा आहे पण टाक तोंडात (४) : बडीशेप

१०. श्वास घेऊन सा लावला म्हणून हसतोस काय ?शूरवीरच की ! (३): साहस

धन्यवाद !!

मी खेळतेय

मी पण प्रयत्न करतेय. एक शंका - बा , ता दिले आहे तर फक्त तेच वापरायचे की ब च्या बाराखडी तील बाकी पण चालतील ?

मी पण

.