मायबोलीचे मोबाईल अॅप (अँड्रोईड + आयओएस) सर्वांसाठी उपलब्ध आहे.
Submitted by डॉ.विक्रांत प्र... on 4 August, 2020 - 10:58
कापुराची माया
************
कापुराची माया
आगीला कळावी
समरस व्हावी
मिठी मग ॥
तैसी घडो भेटी
देवा तुझी माझी
हौस नसण्याची
पुरवावी ॥
मिठाची बाहुली
भेटावी सागरा
भेदाचा पसारा
नुरुनिया ॥
तैसे घडो काही
जिवलगा नेई
आणुनिया पाही
प्राण डोळा ॥
सरो देह भाव
जळो मन राव
निरंजनी ठाव
देई मज ॥
विक्रांत दत्ताचा
दास हा जन्माचा
तयाचा प्रेमाचा
ध्यास धरी ॥
*******
डॉ. विक्रांत प्रभाकर तिकोणे
http://kavitesathikavita.blogspot.com
विषय:
Groups audience:
Group content visibility:
Public - accessible to all site users
शेअर करा
खूप सुंदर .. तुमच्या
खूप सुंदर .. तुमच्या काव्यरचना अप्रतिम असतात.
फारच सुंदर
फारच सुंदर
मिठाची बाहुली
मिठाची बाहुली
भेटावी सागरा
भेदाचा पसारा
नुरुनिया >>> व्वा !! तुम्ही आणि पुरंदरे सर, दोघांनाही जन्मतः सरस्वतीचा वरदहस्त लाभलेला आहे.
धन्यवाद रुपाली ,तो. .,जिद्दु
धन्यवाद
रुपाली ,तो. .,जिद्दु
मस्त
मस्त
सरो देह भाव
सरो देह भाव
जळो मन राव
निरंजनी ठाव
देई मज ॥ >>>> हे खर्या भक्ताचे मागणे....
____/\____
फारच सुंदर
फारच सुंदर
फार सुंदर व भावपूर्ण असतात
फार सुंदर व भावपूर्ण असतात आपल्या रचना.