लेकीचा वारसा चालवीन म्हणतोय

Submitted by तो मी नव्हेच on 24 August, 2020 - 22:01

'मी नाही गौरी आणू देणार घरी', पोरगी खट्टू होत म्हणाली
अन् लहान मोठे आघात झेललेलं माझं मन थोडं हबकलंच
अपशकुनांना घाबरत...
मग थोडा तिला दटावूनच म्हणालो,
असे बोलतात का कधी, गणपती बाप्पा रागवेल हं...
त्यावर लेक म्हणाली चेहऱ्यावरचा भाव न बदलता,
अरे पण ती त्याची आई आहे, त्याला घेऊन जायला येते ना
मला नाही द्यायचा आमचा जी बाप्पा...
मी नाही तिला आणू देणार घरी....
अन् त्या अजाण निरागसतेमधलं धारिष्ट्य भावले मला...
कुठे हरवून बसलोय अशी निरागसता मी?
हवी आहे ती मला... लेकीचा वारसा चालवीन म्हणतोय
आता मी अन् बाप्पा दोघेही गालात हसतोय...

-रोहन

Group content visibility: 
Public - accessible to all site users

वाह!! प्रसंगाचे चित्र डोळ्यासमोर उभे करणारी कविता Happy

>> मी नाही तिला आणू देणार घरी....

या ओळीतून आवाज ऐकायला येतो