चुकले माझे

Submitted by सुप्रिया जाधव. on 3 April, 2020 - 14:09

पुरुषांमध्ये बाप शोधला चुकले माझे
पुरुषांमधला पुरुष जागला चुकले माझे

सूर्यास्ताला मानत आले नवीन आशा
अर्थ काढला फक्त चांगला चुकले माझे

लाट उसळली, लाट लोपली... स्तब्ध किनारा !
आवेगाने काठ गाठला चुकले माझे

फार लाघवी होत्या काही फार निरागस
मी इच्छांचा गळा घोटला चुकले माझे

स्त्री असण्याचे माजवले नाही अवडंबर
कुणीच नाही कधी विसरला चुकले माझे

तेच तेच ते लिहिले जाते मान्य मला पण
दुसरे नाही अनुभवायला चुकले माझे

सुप्रिया मिलिंद जाधव

विषय: 
लेखन
Groups audience: 
गुलमोहर - गझल
Group content visibility: 
Public - accessible to all site users
शेअर करा

फार लाघवी होत्या काही फार निरागस
मी इच्छांचा गळा घोटला चुकले माझे

तेच तेच ते लिहिले जाते मान्य मला पण
दुसरे नाही अनुभवायला चुकले माझे

आवडले

Submitted by अ. अ. जोशी on 8 April, 2020 - 09:36