Submitted by सुप्रिया जाधव. on 29 January, 2020 - 22:22
विषय काढत राहते पश्चात त्याचे
नाव येते त्यामुळे ओठात त्याचे
दुःख रिचवत पचवले आघात सारे
षडरिपू होते तरी कह्यात त्याचे
ज्या क्षणी मिसळायचे डोळ्यात डोळे
गुपित ऐकू यायचे मौनात त्याचे
गच्च डोळे मिटुन रस्ता पार करते
धावतो हातात देण्या हात त्याचे
केवढे उपकार केले अनुभवांनी
पांग फेडू कोणत्या जन्मात त्याचे ?
बेशकिमती दागिना चोरीस गेला
मीच तर गुणगान होते गात त्याचे !
पाहिजे आहे तुझा मक्ता तुझ्यावर ?
नाव घेणे सोड तू स्वप्नात त्याचे
सुप्रिया मिलिंद जाधव
विषय:
Groups audience:
Group content visibility:
Public - accessible to all site users
शेअर करा
छान !
छान !
अप्रतिम खूपच आवडली
अप्रतिम खूपच आवडली
ज्या क्षणी मिसळायचे डोळ्यात डोळे
गुपित ऐकू यायचे मौनात त्याचे>> हे तर बे sss स्स्ट आहे
विषय काढत राहते पश्चात त्याचे
नाव येते त्यामुळे ओठात त्याचे
नाव घेणे सोड तू स्वप्नात त्याचे>>> हे विशेष आवडले
खूपच आवडली
खूपच आवडली
छान, आवडली
छान, आवडली
छान!
छान!