ओळखा पाहू ....... एक गंमतखेळ - ३

Submitted by संयोजक on 1 September, 2019 - 10:50

मायबोलीच्या दर उत्सवात आपण एखादा तरी नविन गंमतखेळ खेळतो.... यावर्षीचा गंमतखेळ आहे "ओळखा पाहू"
यामध्ये दर तीन दिवसांनी खेळाचा विषय बदलला जाईल.

पुढच्या तीन दिवसांसाठी विषय आहे: मराठी साहित्यिक
यामध्ये मंडळ एखाद्या साहित्यिकासंदर्भात एखादा क्ल्यू देईल जसे की त्या साहित्यिकाच्या लेखनशैलीचा एखादा नमुना, त्या साहित्यिकाच्या पुस्तकांची नावे, त्या साहित्यिकासंदर्भात काही प्रसिद्ध किस्से/गोष्टी किंवा त्या साहित्यिकाचा छोटासा परिचय. त्यावरुन आपल्याला त्या साहित्यिकाचे नाव ओळखायचे आहे
बरोबर उत्तर देणारा पुढचा क्ल्यू देईल आणि हा खेळ पुढे चालू राहील.
या खेळामध्ये फक्त मराठी साहित्यिकांचा समावेश असावा.
क्ल्यू देताना कुठलीही उघड माहिती न देता पण पुरेश्या हिंट देवू शकलात तर हा खेळ खुप रंगतदार होईल.

उदाहरणार्थ:
एकदा 'उदाहरणार्थ' एक मित्र आला, त्याने भांडून 'वगैरे' मला गावबाहेर नेले. पूर्वी मी त्याला काही गोष्टी सांगितल्या होत्या त्याचा धाक धाकवून त्याने मला कायम 'मुर्दाबाद' केले
उत्तर: नेमाडे

किंवा
शिक्षणाने इंजिनीयर, व्यवसायाने कॉपीरायटर आणि तरुणाईचा लाडका कवी
उत्तर: संदीप खरे

किंवा
महाराष्ट्राचे लाडके व्यक्तिमत्त्व
उत्तर: पु. ल. देशपांडे

आवडला का हा खेळ?
करायची का सुरुवात?

तुमच्यासाठी पहीला क्ल्यू आहे:

"सवतंत्र सामाजिक नाटाक: "पायाचा दगड"
पार्टी गावतलीच
म्यानेजर: गुलाब हेरवाडे
आणि दिगदर्शक: अन्याबा परीट "

शब्दखुणा: 
Group content visibility: 
Public - accessible to all site users

नाही माहित
पण विचार करताना मजा आली
मला मुक्तीबोध वाटत होते पण त्यांनी वैशाख नावाने कविता लेखन नाही केलेलं

मी देते आता कोडं

१. हे महाराष्ट्र टाईम्समध्ये पत्रकार म्हणून कार्यरत होते.
२. ह्यांनी बंगाली साहित्यिकाच्या सिरीजच मराठी अनुवाद केला आहे

अशोक जैन
... त्या रहस्यकथा ना ? वाचल्यात, छान आहेत.

लेखक, संपादक, मासिकाचे मालक.
भारतातील सामाजिक बदलांवरील पुस्तक प्रसिद्ध.
तसेच चरित्रात्मक लेखन देखील.

तर्ककठोर, बुद्धिनिष्ठ, विवेकवादी आणि तरीही रसिक असे हे व्यासंगी आणि विद्वान लेखक, समीक्षक, आस्वादक.

मे पुं रेगे
पद्माकर पुंडे
.... नसल्यास थोडी भर घाला कोड्यात .

दोन्ही नाहीत Happy

भर घालते. त्यांच्या पुस्तकातलं एक वाक्य

'बापाची सर्वच्या सर्व मते पटणे हा मी एक प्रकारचा आंधळेपणा मानतो आणि आपले स्वातंत्र्य सांगण्यासाठी बापाची कोणतीच मते न पटणे हा मी दुसऱ्या प्रकारचा आंधळेपणा मानतो. '

Happy

नाही. मी जे म्हणतेय ते आता हयात नाहीत.
नरेंद्र जाधव समीक्षा करतात हे मला माहिती नव्हते.
विनोद शिरसाठ यांच्या निमित्ताने थोडे जवळ पोचला आहात. शिरसाठांचा थोडा संबंध आहे.

नाही Happy Happy
हे एवढं कठीण जाईल असं मला वाटलं नव्हतं.
अजून एक हिंट.
ते स्वतःला मार्क्सवादी म्हणवून घेत पण त्याबरोबरच 'मी कम्युनिस्ट नाही' असंही सांगत

प्रभाकर पाध्ये
वा ल कुलकर्णी
सदानंद वर्दे
.... दमलो आता ☺️

कुरुंदकर का ? पुस्तकातील भाषा तशीच वाटतेय .

की ग प्र प्रधान

Pages