मायबोली गणेशोत्सव २०१९ साठी स्वयंसेवक हवेत

Submitted by Admin-team on 19 August, 2019 - 14:14

मायबोली गणेशोत्सव २०१९ साठी ज्या मायबोलीकरांना स्वयंसेवक म्हणून काम करायची इच्छा आहे त्यांनी कृपया या धाग्यावर आपापली नावे कळवावीत. गणेशोत्सवासाठी साधारण महिनाभर दिवसातली काही मिनिटे ते काही तास इतका वेळ द्यावा लागेल. इथे नाव दिलेल्या सभासदांशी प्रशासक संपर्क साधतील.

गणेशोत्सवातील कामाचे साधारण स्वरूप हे वेगवेगळ्या स्पर्धा तसेच सांस्कृतिक कार्यक्रमांचे आयोजन, त्यासाठी प्रवेशिका मागवणे, त्या कलाकृती सादर करणे वा स्पर्धा घेणे, स्पर्धेचा निकाल जाहीर करणे असे असेल.
या उपक्रमांत मर्यादित सदस्यांची आवश्यकता असल्याने सर्व इच्छुक सभासदांना एकाच वेळी सहभाग घेता येईल असं नाही. या आधी अश्या उपक्रमात भाग न घेतलेल्या सभासंदांनी जरूर सहभागी व्हावे. ज्या लोकांच्या घरी इंटरनेट सुविधा आहे अश्यांना मंडळात प्राधान्य दिले जाईल.

मागच्या काही वर्षातले गणेशोत्सव इथे बघता येतील.

पराग यांनी संयोजनाच्या अनुभवावर आधारीत लिहीलेला हा लेख पहा. त्यात कामाच्या स्वरूपाचा अंदाज येईल.

विषय: 
Group content visibility: 
Public - accessible to all site users

गणपती २ सप्टेंबरला आहेत, तर हा धागा इतका उशीरा का काढला? १ ऑगस्टलाच काढायला हवा होता. नावं येऊन संयोजन मंडळ बनण्यातच ३-४ दिवस अजून जाणार.

हो, धाग्याला उशीर झाला आहे. संयोजकांना वेळ कमी मिळेल.
संयोजन जमणार नाही पण संयोजकांना मुशोसाठी मदत करु शकेन.

मायबोलीच्या ह्या सुंदर उपक्रमात मदत करायला नक्कीच आवडेल. रोज एक ते दोन तास वेळ देता येईल. संयोजक मंडळास मनःपूर्वक शुभेच्छा !

संयोजनात सहभागी होता येणार नाही पण संयोजकांना काही मदत लागली तर करायला आवडले.
गणेशोत्सवाला शुभेच्छा.

हे असले धागे काढण्यामागे, नक्की लॉजिक काय आहे हेच कळत नाही.
इथे किती ही सदस्यांनी नावे दिली, तरी स्वंयसेवक मात्र कंपूतलेच निवडले जाणार हे सुर्यप्रकाशा इतके स्वच्छ असताना हे असले धागे काढण्याची नाटके कश्याला ?

उपाशीबोका, धन्यवाद. धाग्यात २०१८ दुव्याचा समावेश केला आहे.

प्रतिसाद देणार्‍या सर्व सदस्यांचे आभार. उद्या मंडळ तयार करून संयोजनासाठी नवीन ग्रूप तयार करू.

भाग घ्यायला नक्की आवडेल. पण आम्ही कोकणी.... गणपती आला रे आला की पाच दिवस गावी पळतो.
गावी नेटवर्क चा थोडा प्रॉब्लेम आहे....तरीही होईल तेवढी मदत करायला आवडले.

नमस्कार Aaradhya, 'सिद्धि', मधुरा कुलकर्णी, स्वरुप, mayu4u, अज्ञानी, अभि_नव, पद्म

तुम्हा सर्वांचे गणेशोत्सव २०१९ संयोजन मंडळात स्वागत आहे.