पिरिअड फिल्म्स मधल्या ढोबळ चुका

मला तुंबाड मध्ये बोटीत आई 'तू भी उसी हरामी की औलाद है' असं काही म्हणते तेव्हा हरामी आणि औलाद हे दोन्ही शब्द त्या काळच्या मराठी बायका वापरत नसतील असे वाटले.परत एकदा नीट ऐकायला हवा डायलॉग.

फर्जंद
शिवाजी एन्ट्री सीन, पायावर फोकस
रबरी सोल लावलेली मोजडी क्लोजप

आणि अतिप्राचीन काळातील सरसकट सगळ्या महिलांच्या नीट कोरलेल्या भुवया.. ऐतिहासिक काळातील स्त्रियांच्या तसबिरींत काही वेळा इतक्या कमानदार भुवया नाही दिसत.

रोचक धागा...

नुकताच बधाई हो हा हिंदी चित्रपट पाहिला. त्यात सुरावातीच्या १-२ द्रुश्यात नीना गुप्ता आणि तिच्या कुटुंबातील सर्व जण आंबे खाताना दाखवले आहेत. नवरा (तो टिकेट कलेक्टर असतो) स्टेशन वर मुलाची वाट बघात उभा असतो. मुलगा आल्यावर तो "पसीनेसे मेरी जान निकल जा रही थी" असा काहीतरी संवाद म्हणतो. पण त्यानंतरच्या सर्व द्रुश्यात नीना गुप्ता, तिचा नवरा, मुलं, घरातील म्हातारी आजी सगळेच लोक स्वेटर, शाली, रजया अश्या गरम कपड्यात दाखवले आहेत.
चित्रपटाची कथा दिल्लीत घडते. दिल्लीत किंवा सर्व भारतातच आंबे नेहमी उन्हाळ्यात मिळतात. मग भर उन्हाळ्यात सगळी पात्र गरम कपडे घालून का फिरत असतात?
हा चित्रपट National Film Award साठी nominate केला आहे. अशी बातमी नुकतीच वाचली. कलाकारांचा उत्तम अभिनय सोडल्यास ह्या चित्रपटाची इतर कोणतीही जमेची बाजू मला तरी जाणवली नाही.

लेखातला एकही सिनेमा पाहिलेला नाही. बोगस असतील हा अंदाज खरा असल्याचे लेखावरून समजले.

फर्जंद -
तानाजी पडल्यावर त्याचे डोळे झाकताना रत्नाच्या अंगठ्या घातलेला हात. लढाईला कुठला मावळा अंगठ्या घालून जाइल?

पुनीत इससारने महाभारतावर नाटक आणले आहे, पाहिले का?

तुम्ही पाहीले का??

सध्या कलर्स मराठीवर स्वामिनी नावाच्या आगामी मालिकेची जाहिरात लागते. पेशवाईच्या काळातील मालिका आहे असं संवादातून कळतं. त्यात ती छोटी मुलगी कात्री घेऊन इकडच्या स्वारींची शेंडी कापण्याचा प्रयत्न करताना दिसते. तर पेशवाईत कात्र्या असायच्या का? कशासाठी वापरायचे?
मला ही शंका येण्याचं कारण म्हणजे तुंबाडचे खोत या कादंबरीत ( माझ्या आठवणीनुसार) कात्री ही नवीनच उपयुक्त वस्तू म्हणून इंट्रोड्यूस केलेली आहे. काळ कुठला ते लक्षात नाही, पण मुळात पेशवाई बुडाल्यानंतर ते स्वातंत्र्यलढा आणि गांधीवध इथपर्यंत कादंबरीचे मुख्य कथानक आहे. आता कोकणात समजा उशीरा पोचली असेल कात्री. पण पुण्या-मुंबईत साधारण कधीपासून कात्री सर्रासपणे वापरायला लागले हे कुणाला माहिती आहे का?

भेट या चित्रपटात उन्हाळ्यात कथानक घडताना रस्त्यावर माठ विकणारी हातगाडी, पन्ह्याचा उल्लेख, पाण्याची थोडी टंचाई असं समर्पक दाखवलंय.

जुन्या राऊ सिरियलमधे (स्मिता तळवलकर, अश्विनी भावे) केसात हेअर क्लिप्स लावल्याचं स्पष्ट दिसतं
हिंदी अकबर सिरीयलमधे (अकबर खान प्रमुख भूमिकेत होता), जेव्हा जोधाबाई लग्न करून आग्र्याला येते तेव्हा तिला ओवाळायच्या सीनमधे तिच्या डोक्यावरच्या ओढणीला लावलेल्या सेफ्टी पिना दिसतात!
बाजीराव मस्तानीमधे दीपिका घोडेस्वारी करत युध्दात केस मोकळे सोडून दौडत असते ते खटकतं.
रामानंद सागरांच्या रामायण मालिकेतही राम, सीता, दशरथ, कौसल्या वगैरे राजघराण्यातल्या लोकांची एक वेषभूषा तर प्रजा सगळी आधुनिक राजस्थानी पेहरावात (पुरुष धोतर, अंगरखा, फेटे तर बायका ब्लाऊज, घागरे, ओढण्या)

बाजीराव मस्तानी आणि मन कर्णिका पिक्चर मध्ये घातलेले स्ट्रेच वेलवेट वर जरदोसी काम असलेले ब्लाउज.बाजीराव मस्तानी मध्ये अजिबात मराठी(कापड आणि बुट्टे वाईज) न वाटणाऱ्या नौवाऱ्या.
सब टीव्ही वर तेनाली राम मधील सर्व पात्रांचे कपडे.बायकांचे अगदी चालू फॅशन च्या डोल्स गबाना किंवा रोहित बाल गाऊन चे वरचे भाग वाटावे असे आडवे ऑफ शोल्डर ब्लाउज(मला नीट सांगता येत नाहीये पण त्या काळी असे ऑफ शोल्डर ब्लाउज चोळ्या नव्हते इतके आठवते.)
अलादिन मध्ये त्या छान गुणी जिम्नॅस्टिक वाल्या पोराला अली दिसायला केलेला भयंकर आय मेकअप आणि आयब्रो आणि लिपस्टिक.

धागा चांगला आहे. प्रतिसाद पण.
पण ह्यातुन सलीभ चे चित्रपट वगळायला हवेत

हा धागा मराठी चित्रपटांपुरता सीमित करत आहे >>>>>> हे लेखातील पहिलं वाक्य आहे, पण बहुतेक सगळे प्रतिसाद हिंदी सिनेमा आणि सिरियलमधील goof ups बद्दल आहेत.

प्रा. श्रद्धा कुंभोजकर यांनी 'अ हिस्टॉरियन रिअ‍ॅक्ट्स टू ..' म्हणून 'बाजीराव मस्तानी'चा अतिशय संतुलित आढावा घेतला आहे. हा धागा मराठी चित्रपटांपुरता असला तरी हे इथे देण्याची गुस्ताफी करतो आहे. रिव्ह्यु मराठीतून आहे.
https://www.youtube.com/watch?v=mk91-MYCoKM