बोंबिल बटाटा पिठ लावुन कालवण

Submitted by जागू-प्राजक्ता-... on 26 June, 2009 - 03:09
bombil batata kalvan
प्रत्यक्षात लागणारा वेळ: 
५ मिनिटे
लागणारे जिन्नस: 

५-६ सुके बोंबिल तुकडे करुन
१ कांदा चिरुन
१ बटाटा
शेवग्याच्या शेंगा २ तुकडे करुन
अर्धी मुठ होईल इथक्या चिंचेचा कोळ
चवी पुरते मिठ
२ छोटे चमचे तांदळाचे पिठ
थोडे हिंग, हळद
२ चमचे मसाला
२ - ३ मोठे चमचे तेल
कोथिंबीर, १ हिरवी मिरची

क्रमवार पाककृती: 

प्रथम टोपात तेल गरम करुन त्यात कांदा गुलाबी रंगावर तळावा. मग हिंग हळद, मसाला घालुन त्यावर बोंबिल, बटाटा, शेवग्यांच्या शेंगांचे तुकडे घालावेत. थोडे पाणी घालून शिजत ठेवावे. बोंबील आणि बटाटा शिजत आला की त्यात चिंचेचा कोळ घालावा पिठ थोड्या पाण्यात कालवुन पातळ करुन ते सोडावे. मग मिठ, चिरलेली कोथिंबीर, हिरवी मिरची मोडून घालावी. थोडा वेळ उकळुन गॅस बंद करावा.

वाढणी/प्रमाण: 
३ ते ४ जणांसाठी
अधिक टिपा: 

पिठ लावल्यामुळे रश्याला घट्टपणा येतो. शेवग्यांच्या शेंगाची चव ह्यात खुप छान लागते. असेच कालवण सुक्या वाकटीचेही करतात.

माहितीचा स्रोत: 
आई
पाककृती प्रकार: 
प्रादेशिक: 
शब्दखुणा: 
Group content visibility: 
Public - accessible to all site users

धन्स जागु

****************************************
वक्रतुंड महाकाय सुर्यकोटि समप्रभ|| निर्विघ्नं कुरूमेदेव सर्वकार्येषुसर्वदा ||||

मस्त वाटतेय..

*****&&&*****
Excellence is not for someone else to notice but for your own satisfaction and efficiency...

मस्त रेसिपी वर काढली वैशाली हरिहर .
जागू ताई सेम पद्धतीने मी पण करते पण चिंचेचा कोळ न घालता आमसुल घालते ते पण छान लागत.

एका बटाट्याचे फारतर चार तुकडे पुरे. एकदम बारीक चिरू नये. चिंच नसेल तर त्याऐवजी कोकमासोबत टॉमॅटो पण चालेल. रस्सा अधिक तिखट करावा. तांदळाच्या पिठाने घट्टपणा येतो पण तिखटजाळ चविष्ट रस्सा हवा असल्यास कालवणात पीठ टाकणे टाळले तर उत्तम. सोबत बारीक तांदळाचा भात. स्पेशली वाडा कोलम झकास. गोडा तांदूळ भाताला वापरू नये, उदा. इंद्रायणी वगैरे. शिवाय भात 'गिजका' शिजवू नये Wink
अधिकची टीप: भातात बटाटा कालवून घ्यावा. कालवण थोडे अधिक घेवून अधेमध्ये दोन हातांनी ताट उचलून ओरपत रहावे Proud

बोंबील बटाटा भात म्हणजेच सुख Happy

२००९ ला लिहिलेली पाककृती एकदम २०१९ ला उत्खनन करून वर काढल्याबद्दल वैशाली हरहर यांचे आभार. वेळ पण काय साधली आहे एकदम मस्त. या रविवारी अश्या पध्दतीने सुक्या बोंबलाचे कालवण बनवून भाताबरोबर ओरपण्यात येईल.

मी अगदी कालच बनव्लेले.
आम्ही कोकमवाले आणि अगदी वाडा कोलम वालेच. गिचका न बनवता.
पद्धत नक्कीच वेगळी आहे.
टोमॅटो नाहीच घालत. मस्त कांद्या खिबर्‍याचे वाटण लावून. भरपुर कोथींबीर उतरताना घालायची.

जागू तुम्हाला एक आग्रहाची विनन्ती आहे. तुम्ही यू त्यूबला चॅनल सुरू करा. एक तर ह्या सगल्या गोष्टींचे डॉक्युमेन्टेशन होउनक्जाइल आणि ठेवा कायमचा जतन होइल. शिवाय तुम्हाला व्युअर शिप खूप मिळेल त्यामुळे अर्थार्जनही होइल (अर्थात हा जास्तीचा फायदा ) .यू टूबच्या रेवेन्यू मॉडेलचा अभ्यास करा .इथेही जाणकार आहेत. मला हे फार महत्वाचे वाटते . तुम्हाला?

आता जागुताई चॅनेल कधी सुरु करेल तेंव्हा करेल पण मी आजवर तिने पोस्ट केलेल्या माशांच्या पाककृतींची पिडीएफ आणि इपब बनवून ठेवली आहे.
Happy Happy