मायबोलीचे मोबाईल अॅप (अँड्रोईड + आयओएस) सर्वांसाठी उपलब्ध आहे.
Submitted by डॉ.विक्रांत प्र... on 5 June, 2019 - 09:24
दिगंबरी मन
ठेविले वाढून
मी पण काढून
बाईयांनो ॥
घडले भजन
नाही वा कीर्तन
दिला पेटवून
प्राण फक्त॥
जप तप नच
घडले यजन
व्याकूळ होवून
शब्द दिले ॥
जरी जगतोय
संसारी वाहून
अंतरी स्मरून
सदा तया ॥
काळवेळ काही
ठाव मला नाही
येता याद देई
गळा मिठी ॥
सखा गिरणारी
भरला अंतरी
जगणे उधारी
आता मला ॥
॥ गुरुदेव दत्त ॥
© डॉ..विक्रांत प्रभाकर तिकोणे
http://kavitesathikavita.blogspot.in
विषय:
Groups audience:
Group content visibility:
Public - accessible to all site users
शेअर करा
सखा गिरणारी
सखा गिरणारी
भरला अंतरी
जगणे उधारी
आता मला ॥>>> सुंदर!
खुप खुप सुरेख रचना डॉ
खुप खुप सुरेख रचना डॉ.विक्रांत जी
धन्यवाद शाली ,प्रांजली
धन्यवाद शाली ,प्रांजली