मायबोलीचे मोबाईल अॅप (अँड्रोईड + आयओएस) सर्वांसाठी उपलब्ध आहे.
Submitted by बेफ़िकीर on 12 December, 2017 - 01:18
तरही - जगाला तू हवा आहेस बहुधा
मनांचा कंगवा आहेस बहुधा
जगाला तू हवा आहेस बहुधा
नभाच्या पिंजर्याला ना जुमाने
स्मृतींचा पारवा आहेस बहुधा
सुखे होतात रस्त्यातून बाजू
व्यथांचा कारवा आहेस बहुधा
जिणे व्याधीप्रमाणे सोसती जे
अशांसाठी दवा आहेस बहुधा
कधीच्या संपलेल्या मैफिलींची
उमटती वाहवा आहेस बहुधा
तुझी ना सावली देते पडू जग
विषारी गारवा आहेस बहुधा
हवा श्वासागणिक देते सलामी
हवेसाठी नवा आहेस बहुधा
उडे अष्टौप्रहर दाही दिशांना
अपेक्षांचा थवा आहेस बहुधा
तुला भेटेल तो बुडतो तुझ्यातच
नशेचा कालवा आहेस बहुधा
-'बेफिकीर'!
(१२ डिसेंबर २०१७)
विषय:
शब्दखुणा:
Groups audience:
Group content visibility:
Public - accessible to all site users
शेअर करा
खुप सुंदर...बेफीजी.
खुप सुंदर...बेफीजी.
पहिला शेर मला ठिक वाटला. बाकी
पहिला शेर मला ठिक वाटला. बाकी सगळे मस्तच.
जिणे व्याधीप्रमाणे सोसती जे
अशांसाठी दवा आहेस बहुधा >> हा सर्वात जास्त आवडला.
सुंदर ....
सुंदर ....
तुला भेटेल तो बुडतो तुझ्यातच
तुला भेटेल तो बुडतो तुझ्यातच
नशेचा कालवा आहेस बहुधा..
व्वा, क्या बात..