भाव बधीर

.

.

अर्धजिवंत कलेवर सामोरि
बघण्यात मश्गुल तमाशा आहे
बधीर आहे कलियुगात माणूस
त्याचा जिवंतपणाही बधीर आहे

अस्पृहतेच्या या जाणिवा
उरात धडकी भरवणाऱ्या
सर्व काही बधीर आहे येथे
मृत्यूचा घनघोर हा अपमान आहे.

मेंदू विवेकशून्य बधीर झालेला
नात्याचा गुंता ही येथे बधीर आहे
मृत्युही बधीर कुटुंब जिव्हाळयाचा
रेशिमकीड़ा कोषात गुरफटला मात्र आहे

श्वास जगतो ईथे अस्मिता निंदरी
प्राण अवकुंठित भाव बधीर आहे
उद्वेग सात्विक रक्त प्रपात सामाजिक
जगण्याचे एकाकी रणशिंग फुंकतो आहे...

― अंबज्ञ