मायबोलीवूडचा नवा सुपर्रस्टार - फा फे अमेय वाघ ट्टॉक् !

बिचारा बावचळून गेल्यासारखा वाटतो. निष्प्रभ पूर्णपणे.
>>>>>

कमॉन.. तो तसा अभिनय करणे भुमिकेची गरज होती. त्याने सिंघमस्टाईल प्रत्युत्तर देणे अपेक्षित होते का
शेवटी त्याने अप्पाचा केलेला पराभव आणि अप्पाची हतबलता विश्वसनीय वाटते यातच अमेयच्या अभिनयाचे आणि पटकथेचे यश आहे.

बाकी त्याला गिरीश कुलकर्णी यांच्या अभिनयाला टक्कर द्यायचीच नव्हती. तितकी त्याची ऊंची नाहीयेच मुळात. मात्र त्यांच्या करिशम्याला त्याने टक्कर दिलीय. ट्रेलर पाहून मला वाटलेले की खरेच कच्चा खाल्ला असेल पण चित्रपट पाहताना ती जुगलबंदी परस्परपूरक वाटते.

अमा काय लिहिलेय तिथे?
वर्षा आपण का हसलात?
त्या कैवल्य फॅन क्लबच्या अनुषंगाने तर मी पहिला पॅरा लिहिलाय.
त्या धाग्यावरचे प्रतिसादातही मी लिहिलेय की मी अमेयचा नाही तर त्याच्या कैवल्य या कॅरेक्टरचा फॅन आहे.
मला वाटते हेच सिमिलर रीयाने सुद्धा लिहिले होते.
आता मात्र एकाच व्यक्तीचे दोन रोल आवडल्याने मला अमेय आवडू लागला असे बोलू शकतो.
आता त्याचा मोरंबाही एकदा चाखून बघायला हवा. तो नाही तर आपली मिथिला पारकर आहेच

तो धागा मी वाचला नाहीये अन वाचणार पण नाही,
>>>>
जर तो धागा पुर्ण वाचला तर अमा आणि आपला गैरसमज दूर झाला असता. पण जर एखादा गैरसमज कोणाला हसवत असेल तर तो तसाच राहू द्यावा

बाकी तो धागा कोणी वाचा वा वाचू नका, पण फाफे सर्वांनी बघा आणि अमेयची अदाकारी चुकवू नका. हाच या धाग्याचा हेतू आहे

संशयिताची ओळख परेड वाला सीन मस्त जमलाय .
>>>
हा हा... हो. उलटा खुर्ची वाला. एकूण विनोदाची शैली छान आहे. हलकीफुलकी.
भूभू मलाही आवडला. त्याला कुठे आगाऊ केले नाहीये. सिद्धार्थ जाधवला फार आचरट केले नाहीये. फाफेचा लवएंगल दाखवला नाहीये. चित्रपटाच्या वेगासोबत त्याचा पोतही सांभाळलाय.

सुजा, हो. कट्यार विसरलो. माझा बघायचा राहिल्याने लक्षात आला नाही.

भरत ओके, असेल.
मी स्वत: नटसम्राट फार उशीरा पाहिलेला. बहुधा सैराटच्या नंतर पाहिला असावा, आठवत नाही. तसेच ककाघु पाहिलाच नाहीये अजून. त्यामुळे माझी विचारसाखळी तशी उलटसुलट झाली असावी.

मात्र अश्या जातकुळीचा ईतका सफाईदार चित्रपट मराठीत झाला नव्हता. मराठीच काय हिंदीही पटकन आठवत नाही. एक उदाहरण द्यायचे झाल्यास, फॅन चित्रपटाची स्टोरी जेव्हा माझ्या कानावर आली तेव्हा त्याकडून माझ्या ज्या अपेक्षा होत्या त्या फाफे ने पुर्ण केल्या.

सिरीअसली, आज मी चित्रपट बघितल्यावर दिवसभर लहानपणी जे काही फाफे वाचलेय ते आठवत होतो आणि मला अमेय वाघच फाफेच्या रुपात दिसत होता

एका चित्रपटानंतर लगेचच नविन सुपरस्टार कसा ????
>>>>>
का नाही ????
जर ऋत्विक रोशन त्याच्या वडिलांनीच काढलेल्या चित्रपटानंतर लगेच बॉलीवूडला नवीन सुपर्रस्टार मिळाल्याच्या नादात मिरवतो,
तर एक मराठी वाघ स्वतःच्या हिंमतीने मिळवलेल्या चित्रपटाच्या अफाट यशानंतर का मायबोलीवूडचा नवा सुपर्रस्टार म्हणून मिरवला जाऊ शकत नाही????

फास्टर फेणे हे कॅरेक्टर म्हणून नव्हे अभिनेता म्हणून.
>>>>
तेच तर, त्याने जे गिकु यांच्या पर्सनॅलिटीसमोर दबल्यासारखे दाखवले तो अभिनयच होता, तीच त्याच्या भुमिकेची गरज होती.
त्यातला एक सीन बघा, ज्यात पोलिसस्टेशनच्या बाहेर त्याला आप्पा भेटतो आणि त्याच्या आईवडीलांचा उल्लेख करत त्याला अप्रत्यक्ष धमकी देतो.. तेव्हा हलकेच अमेय वाघच्या डोळ्यात जे पाणी तरळते, पण ओघळत नाही, जे कासावीस झाल्याचे भाव त्याने चेहर्‍यावर आणलेत, ते निव्वळ अप्रतिम ! ..
पण जसा चित्रपट पुढे सरकतो तसे हळूहळू तो या सामान्य माणसांना गुंडांच्या वाटणार्‍या भितीवर, हिंमतीच्या चढत्या आलेखानुसार मात करतो त्या आलेखाला त्याने प्रत्येक प्रसंगानुरुप खुलवले आहे.. ते सारे प्रसंग एकेक करत ईथे लिहिले तर स्पॉयलर होईल.. पण एक लेख मी त्या वाढत्या हिंमतीच्या आलेखावर लिहू शकतो ईतकी त्यात मटेरीअल आहे.

टायगर बोलू नका. उगाच टायगर श्रॉफ आठवतो ..

कोण सुपर्रस्टार याचा मागे पोल काढलेला खरे तर..
त्यात स्वप्निल जोशी जिण्कलेला बहुतेक..
शोधतो रात्री तो धागा..
त्यात आता अमेय वाघ हा पर्याय एड करायला हवा..

अजब, कैवल्य बनून दिदोदु मधून त्याने छोटा पडदा खाल्ला. आणि आता फाफे मधून मोठा पडदा.
बाकी टॅलेंट दिसायला वेळ लागत नाही. आणि तसेही कॉम्पिटीशनला मराठीत आहे कोण

कोण हा टायगर? मराठीत नवीन हिरो आलाय का?
>>>>
आपल्या अमेय वाघलाच टायगर म्हटले जात आहे
तसेही भारतात कमीच उरलेत, एक आपल्याकडे आहे याचा तेवढाच अभिमान