मायबोलीचे मोबाईल अॅप (अँड्रोईड + आयओएस) सर्वांसाठी उपलब्ध आहे.
Submitted by कविता क्षीरसागर on 29 June, 2017 - 08:59
ठेव गुंडाळून आता शायरी ..
सर्व काही ठीक आहे सासरी
फक्त खुपते कोरडेपण अंतरी
फार त्याचा भार नाही घ्यायचा
शिकवती सगळ्या चुका काहीतरी
पावसाळी होत जाते ती पुन्हा
यायला जेव्हा उशिर होतो घरी
शक्य तर दुःखातुनी बाहेर पड
हासणारे बाळ बघ मांडीवरी
संयमाचे तू मला सांगू नको
त्याविना का करत आहे चाकरी ?
झोप आहे वेदनेला लागली
ठेव गुंडाळून आता शायरी
पाहिजे तेव्हा मला मी विसरते
देणगी लाभे अशी ही ईश्वरी
कविता क्षीरसागर
विषय:
शब्दखुणा:
Groups audience:
Group content visibility:
Public - accessible to all site users
शेअर करा
वा सुंदर आहे
वा
सुंदर आहे
झोप आहे वेदनेला लागली
झोप आहे वेदनेला लागली
ठेव गुंडाळून आता शायरी
पाहिजे तेव्हा मला मी विसरते
देणगी लाभे अशी ही ईश्वरी
मस्त..!