१ भरीताचं वांगं
१ कांदा
कोथिंबीर
लाल तिखट
मीठ
चिंचेचा कोळ
गूळ
दाण्याचं कूट
आवडत असल्यास गोडा मसाला
फोडणीचं साहित्य - तेल, मोहरी, हिंग, हळद (आवडत असल्यास जिरं )
तेलाचा हात लावून वांगं भाजून घ्यावं.
मी ओव्हनमधे ब्रॉइल करते. साधारण २० - २५ मिनिटात होतं. मधे एकदा उलटते. एखादी ब्लंट सुरी किंवा चमच्याची मागची बाजू वांग्यात खुपसून बघायची. सहज आत गेली की समजतं की पूर्ण भाजलं गेलं.
मग बाहेर काढून गार होवू द्यायचं. साल काढून कुस्करायचं.
त्यात बारीक चिरलेला कच्चा कांदा आणि कोथिंबीर घालायची. दाण्याचं कूट आणि हवं तर थोडा गोडा मसाला घालायचा.
चवीप्रमाणे तिखट, मीठ, चिंच, गूळ घालायचा आणि वरून फोडणी घालून कालवायचं.
३० मिनिटं हा वेळ वांगं भाजण्याचा वेळ धरून लिहीला आहे. नाहीतर आपली ५-७ मिनिटंच वापरली जातात.
स्वातीताई,
स्वातीताई, हे भरीत सरबरीत होते का? की चिंचेचा घट्ट कोळ घालायचा?
मी इथे
मी इथे भारतीय दुकानांत मिळते ती पेस्टच घालते. पण आई कोळ घालते.
तसंही मुळात वांगं/कांद्यामुळे ते सरभरीतच असतं. आणि कोळ थोडाच असतो. त्यामुळे त्याने consistency मधे फार फरक पडू नये.
एकदा टमाटे
एकदा टमाटे घालून पाहीलेलं पण चव काही विशेष वाटली नव्हती. असे करून पाहीन. धन्यवाद.
छान.. पण मला दही घातलेले
छान.. पण मला दही घातलेले आवडते. त्यामुळे कोळाचा प्रश्नच नाही.