गझल पावसाळी ...

Submitted by बाळ पाटील on 13 June, 2015 - 01:28

ओढून चाप जातो पावसाळा
मारून थाप जातो पावसाळा

धुंदी कशाकशाची ही जगाला
काढून माप जातो पावसाळा

या श्रावणी तिलाही झोप नाही
देऊन ताप जातो पावसाळा

अन्नास जागतो का आज कोणी ?
पेरून शाप जातो पावसाळा

गाठीस कोणते हे पुण्य होते ?
फेडून पाप जातो पावसाळा

आहे तुला मलाही कोण वाली ?
होवून बाप जातो पावसाळा

-- बाळ पाटील

विषय: 
काव्यलेखन
शब्दखुणा: 
गझल पावसाळी
Groups audience: 
गुलमोहर - गझल
Group content visibility: 
Public - accessible to all site users
शेअर करा