चिकन १ किलो, नेहेमीसारखे तुकडे करून, स्वच्छा धुवून इ.
कांदे : २ मध्यम, बारीक चिरून
कढिलिंब : २ काड्या
हळद : अर्धा चमचा
चिंचेचा कोळ : दीड चिंच भिजत घालावी.
नारळाचे दूध : १ कप (मध्यम नारळाची अर्धी खाप, मिक्सरमधे दीड कप पाणी घालून फिरवावी.तयार होईल ते दूध गाळून घेणे)
मीठ.
तेल : ३ चमचे.
तूप : दीड चमचा.
मसाल्याचे वाटणः
कांदा : १ मध्यम आकाराचा चिरून
लसूण : ४-५ पाकळ्या
अर्ध्या नारळाचा चव (मी वरच्या नारळाचा दूध काढून उरलेला निम्मा चोथा वापरला. अधिक 'रिच' हवे असल्यास उरलेला अर्धा नारळ खवून घेणे)
सुक्या लाल मिरच्या : ६-७. तुकडे करून, बिया काढून
मिरे : १ चमचा. ( २०-२२ दाणे)
जिरे : पाऊण चमचा
धणे : दोन-अडीच चमचे
मेथी दाणे : चमचाभर
लवंग : ३-४
दालचिनी १ इंच.
(चमचा = घरातला चहाचा चमचा. हॉटेलातला नव्हे. सुमारे ५-७ मिलि कपॅसिटीवाला असतो तो. फक्त तेलासाठी मी तेलाच्या डब्यातली पळी वापरली. ३ पळ्या = रफली २०-३० मिलि तेल.)
मसाल्याचे जिन्नस जमा करावेत, चिंच भिजत घालावी. नारळ खोवून घ्यावा, नारळाचे दूध काढून बाजूला ठेवावे.
चिकनला हळद-मीठ लावून बाजूला ठेवावा, व पुढची तयारी करायला घ्यावी.
मसाला :
अ. आधी मेथीदाणे ३-४ मिनिटे कोरड्या पॅनमधे भाजावेत. त्यानंतर कांदा, लसूण व नारळ सोडून इतर मसाल्यासाठीचे जिन्नस त्याच पॅनमधे पुन्हा ३-४ मिनिटे भाजावेत व बाजूला ठेवावेत.
ब. त्याच पॅनमधे चमचाभर तुपावर कांदा, लसूण ठेचून गोल्डन ब्राऊन रंगावर परतावा, त्यात नारळाचा चव घालून पुन्हा परतावे. टोटल टाईम ५-६ मिनिटे. थंड होऊ द्यावे.
अ+ब थोड्या पाण्यासह मिक्सरमधे फिरवून बाऽरीक पेस्ट करावी.
चिंच भिजली असेल, तिचा कोळ काढून घ्यावा (चिंचेतील काड्या, सालीचे तुकडे इ. स्केलेटन पार्ट काढून टाकणे)
जाड बुडाच्या मोठ्या पातेल्यात तेल घेऊन त्यावर कांदा परतावा. हलका सोनेरी रंग येऊ द्या. त्यात चिकनचे तुकडे घालून ३-४ मिनिटे परतावे. झाकण ठेवून ८-१० मिनिटे शिजवावे. वाटल्यास थोडे पाणी घालावे. अधून मधून हलवणे.
नंतर यात मसाल्याचे वाटण व कढिलिंब घालून मिक्स करावे, पुन्हा झाकण ठेवून ७-८ मिनिटे शिजवावे.
आता ३ कप गरम पाणी व चिंचेचा कोळ घालून झाकण ठेवावे.
थोड्या वेळाने मिठाची चव अॅडजस्ट करावी (चमच्यात घेऊन थोडा रस्सा चाखून पहावा. व हवे तितके मीठ टाकावे.)
चिकन शिजले, की नारळाचे दूध घालून गॅस बंद करावा
१. फोटो फक्त मी स्वतः केले होते याचा पुरावा म्हणून आहे. दिसायला ही चारचौघींसारखीच चिकन करी दिसते.
२. यात आलं, कोथिंबीर व टमाटे नाहीत. ते घालून चव बिघडवू नये.
३. मॅरिनेशनमधे थोडा लिंबू चालला असता. त्यामुळे चिकन शिजण्यासाठी लागणारा वेळ कमी झाला असता असे वाटते.
४. मूळ पाकृ मधे वाढताना कांदा/कढिपत्ता तेलावर परतून फोडणीसारखा वरतून ओतावा अशी टिप आहे.
भारीच्चे हा प्रकार!! मी चुकून
भारीच्चे हा प्रकार!! मी चुकून मंगोलियन चिकन करी वाचले! मग नारळ चिंच वाचले अन भैसटलो परत नीट वाचले तेव्हा उलगड़ा झाला!!!
मस्तच
मस्तच
ईब्लिस धन्यवाद विकएण्ड ला
ईब्लिस धन्यवाद विकएण्ड ला करुन बघते
Pages