उगादी (गुढी पाडवा) स्पेशल पचडी

Submitted by सारीका on 25 March, 2015 - 04:44
प्रत्यक्षात लागणारा वेळ: 
२० मिनिटे
लागणारे जिन्नस: 

उगादी म्हणजे गुढीपाडवा. आंध्रप्रदेश, तेलंगणामधे या दिवशी कैरीचा भात, सांजाची पोळी किंवा पुरी आणि कडुनिंबाच्या फुलांच्या पाकळ्या घालुन चिंतपंडु पचडी म्हणजे चिंचेचे पन्हे केले जाते. यासाठी लागणारे जिन्नस पुढीलप्रमाणे

लिंबाएवढा चिंचेचा गोळा २ तास पाण्यात भिजवून ठेवावा, नंतर तो व्यवस्थी दोन तीनदा पाणी वापरुन सगळा कोळ काढुन घ्या यामुळे पचडी खुप टेस्टी लागते.
१ लिटर थंड पाणी
अर्धी वाटी गुळ + अर्धी वाटी साखर
चवीनुसार मीठ
२ चिमूट ओवा
पाव वाटी अगदी बारीक चॉप केलेले कैरी
पाव वाटी चारोळी
पाव वाटी सुक्या खोबर्‍याचा किस
कडुनिंबाच्या फुलांच्या पाकळ्या ( या पाकळ्यांसाठी टिप बघा)

क्रमवार पाककृती: 

एक लिटर पाण्यात चिंचेचा कोळ, गुळ, साखर, मीठ आणि ओवा टाकून सरबतासारखे चांगले घुसळून ढवळून मिक्स करुन घ्या. त्यामधे सुक्या खोबर्‍याचा किस, चॉप केलेली कैरी, चारोळी आणि कडुनिंबाच्या फुलांच्या पाकळ्या घालुन पुन्हा ढवळा.
पचडी तयार. Happy

वाढणी/प्रमाण: 
चार व्यक्तींसाठी प्रत्येकी एक ग्लास
अधिक टिपा: 

कडुनिंबाचा मोहोर एका सुपात घेऊन हलक्या हाताने चांगला चोळावा, मोहोर पाखडुन त्याच्या हलक्या पाकळ्या पुढे येतील त्या अलगद काढुन घ्याव्या.

आवडी प्रमाणे चिंच, साखर, गुळ व मीठाचे प्रमाण कमी जास्त करावे.

कैरी शक्यतो आंबट गोड घ्यावी.

आंबट गोड किंचीत कडवट अशी छान चव असते. Happy

माहितीचा स्रोत: 
सासुबाई (आंध्र तेलंगणामधील पारंपारीक कृती) :)
पाककृती प्रकार: 
प्रादेशिक: 
Group content visibility: 
Public - accessible to all site users

गुढी पाडव्याच्या दिवशी, चिंच, कैरी, कडुलिंबाचे पाने, गुळ आणि सुखं खोबरं ह्यांचे मिश्रण करुन देवाला नैवेद्य दाखवण्यासाठी माझी आई करते, त्याला नीम पंचामृत म्हणतात. साखर ही घालते

जबरी लागतं.

मा़झ्या आत्येसासु बनवित असतं पाडव्याला फक्त कडुनिंबाच्या फुलांच्या पाकळ्यांऐवजी कडुनिंबाची पाने तोडुन घालत असतं आणि सर्वांना प्रसाद म्हणुन हे सरबत देत. कडु अजिबात न खाणापिणारी मी ते सरबत आवडीने पीत असे. गेले २ वर्ष आत्येसासुबाई गेल्याने नाही मिळाले Sad
धन्यवाद सारीका रेसीपीसाठी, आता पुढील वर्षीपासुन मी चालु ठेवीन आत्येसासुचा वारसा.

रॉबीन्हुड, उगादी कर्णाटक आंध्र, तेलंगणामधे साजरी केली जाते, कानडी लोक पण पचडी करतात का ते माहित नाही.

म्हमईकर इसरु नका आमाले Proud

निल्सन तुमच्यकडची कृती जमली तर नक्की शेअर कर.

चैत्रगंधा, नक्की लिहिन कैभा आणि सापो ची रेसीपी Happy

सातीतै एचके रिजन म्हणजे कोण्ता भाग?

.

खरे तर ते युगादि आहे. त्याचा अर्थही लागतो. बोलीभाषेत उगादि झालेले दिसते. मागच्या युगादिला बंगळुरात होतो.... लैच बकाल शिटी....

धन्यवाद रॉबीनहुड मला युगादी शब्द माहीत नव्हता.

नंदीनी, मी तीन चार वेळा सासर्‍यांना विचारले याला नक्की पचडीच म्हणतात ना! ते म्हणाले की कोशिंबीर म्हणजे पण पचडी आणि हि उगादी पचडी! Happy

यातील सर्वच पदार्थ आवडीप्रमाणे कमी जास्त करु शकतो, कडुनिंबाच्या मोहराशिवाय देखील सुरेख लागते पचडी उन्हाळ्यातला पोट थंड ठेवण्यासाठी मस्त पेय आहे हे. Happy

@एकदा पोष्ट टाकून तृप्ती होत नाही काय ? >> दुसर्‍यांदा खास तुमच्याच साठी टाकलेली आहे. तस्मात.. वेंजॉय इट.