अलवार झाली पाहिजे..

Submitted by संतोष वाटपाडे on 12 October, 2014 - 05:13

फ़क्त शब्दांनी जगाची हार झाली पाहिजे
लेखणीचीही अशी तलवार झाली पाहिजे....

गायचा आहे असा मल्हार मजला रोज की
आसवे डोळ्यातली फनकार झाली पाहिजे ...

घाव देताना तिने छातीत द्यावा नेमका
प्रेयसी तेव्हातरी दिलदार झाली पाहिजे....

एकही जखमेस खपली यायला आता नको
वेदना माझी तशी दमदार झाली पाहिजे.....

खंत आहे... बोललो काहीच नाही मी तिला
हाक शेवटची तरी ललकार झाली पाहिजे....

काढ देहातून काळिज संपली तगमग प्रिये
ऐक ना... चिरफ़ाड पण अलवार झाली पाहिजे....

-- संतोष वाटपाडे (नाशिक)

शब्दखुणा: 
Group content visibility: 
Public - accessible to all site users

छान

छानच

सुशांत धन्यवाद.... तुझ्यासारखी मांडणी शिकायचीय हळूहळू.......