घरचा बाप्पा

Submitted by संयोजक on 28 August, 2014 - 15:43

जितकी घरे तितकी गणपतीची रूपे. प्रत्येकजण आपापल्या परीने बाप्पाचे स्वागत करतो. त्याची सजावट, आरास करतो. कोणी पारंपारिक पद्धतीने तर कोणी आधुनिक पद्धतीने. काहींचे बाप्पा इको फ्रेंडली तर काहींचे दिव्याची आरास करुन सजवलेले. कल्पकतेने केलेल्या या मनमोहक सजावटी आपलं सर्वाच मन रमवतात.

चला, तर मग तुमच्या घरातल्या बाप्पाची बैठक मायबोलीकरांना दाखवायला तयार व्हा! आपली सजावट आपल्या कलात्मकतेचा आनंद इतरांना पण घेऊ द्या! इथे आपण आपल्या गणपतीचा फोटो शेअर करू. सजावटीमागे काय कल्पना होती, कशी केली हेही सांगायला विसरू नका.

गणपती बाप्पा मोरया !!!

Group content visibility: 
Public - accessible to all site users

गणपती बाप्पा मोरया!!!

पिढयान पिढ्या एकाच प्रकारे गणपती बसवतो. चौरंगावर पाट त्यावर गणपती आणि शेजारी बैठकीवर महालक्ष्मी! फोटोतील वेताचे मखर गेल्यावर्षी पहिल्यांदा घेतले आहे.

रोज सकाळी पूजा करताना फुले आणि रांगोळी बदलायची. संध्याकाळच्या पूजेला फक्त फुले वहायची.

गेली ४० वर्षे गणपतीची मूर्ती एकाच दुकानातून घेतो. ती शाडूची आहे. तिचा आकार, उंची, ढब, रंग नेहमी सारखाच असतो.
महालक्ष्मीचे मुखवटे पितळी असून १४०+ वर्षे जुने आहेत. नेहमी चिंचेच्या पाण्यात ठेऊन, घासून उजळवले जातात. डोळे, कुंकू, ओठ आणि केस रंगवले जातात. सगळे घरीच करतो.
विसर्जन महानगरपालिकेच्या क्रुत्रिम तलावात करतो. महालक्ष्मीची फक्त फुले आणि कापसाची वस्त्रे विसर्जीत होतात.

day 6E.jpgday 5B.jpgday 5N.jpgday 5Q.jpg

1 (1) (Custom).jpg

4 (Custom).jpg

Pages