पोळेीचा लाडु

पोळीचा लाडू

साहित्य :– शिळ्या पोळ्या किंवा फुलके – तीन, बारीक चिरलेला गुळ –पाव वाटी , सुक्या खोबर्याचा कीस- दोन चमचे, भाजलेली खसखस- अर्धा चमचा, काजु बदामाचे तुकडे( ऐच्छिक),साजुक तूप- दोन चमचे, वेलदोडे पूड- पावचमचा
.
शिळ्या पोळ्या किंवा फुलके मिक्सरमधुन काढावे. कढईत सा. तुप घेउन त्यात पोळीचा चुरा घालुन किंचीत परतावं. गॅस बंद करुन गूळ व इतर साहित्य घालुन कढईतच जरा वेळ हलवावे म्हणजे गूळ विरघळतो. मग लाडू वळावेत.

साधारण तीन लाडू होतात. चवीला छान आणि पौष्टिकही.

मी साहित्य हेच वापरते. एका भांड्यात पोळीचा चुरा घेते. मग छोट्या कढल्यात आधी खसखस, खोबरं भाजून पोळीवर काढते. नंतर त्याच कढल्यात तूप गरम करुन गूळ घालून गॅस लगेच बंद करुन ते पोळीवर ओतते. गूळ जरा जरी जास्त राहिला तरी त्याचा पाक व्हायला लागतो म्हणून लगेच. मग वे.पूड घालून कालवून लाडू वळते. कोरडं वाटल्यास थोडा दुधाचा हबका मारते.
पुढच्यावेळी तुमच्या पद्धतीने पोळी परतून बघेन.

गूळ नंतर घालण्यापेक्षा, पोळीचा चुरा करताना त्यात घातला तरी छान एकत्र होतो. चिकटत नाही भांड्याला. आणि मग त्या मिश्रणात योग्य प्रमाणात तूप आणि इतर पदार्थ घालून मायक्रोवेव्ह मध्ये १-१.३० मिनिट फिरवलं कि मिश्रण छान मिळून येते..आणि लाडू पण छान होतात.

अमा आभार.. शांतपणे शुद्धलेखन करुन पोस्टलंत.