करवंदांची कढी/सार

Submitted by आनंदयात्री on 19 May, 2014 - 05:29

माबोवरील समस्त सुगरणांनो आणि सुगरणींनो, पहिल्यांदाच या गटात पोस्टतोय. सांभाळून घ्याच.

लागणारा वेळ: २०-३० मिनिटे

लागणारे जिन्नस -
१. करवंदे (कच्ची किंवा पिकलेली कुठलीही चालतील. कच्ची असल्यास कढी पिवळसर होईल, पिकलेली असल्यास लालसर. - इति स्त्रोत.)
२. फोडणीचे साहित्य (जिर्‍याची फोडणी, लसूण, कडीपत्ता, तिखट, उडीद किंवा मसूर डाळ)
३. मिरच्या-कोथिंबीर आवडीनुसार
४. तिखट-मीठ-गूळ (हे लिहायचं असतं का?)

कृती -
१. लगदाटाईप दिसू लागेपर्यंत गरम पाण्यात करवंदे उकडून घ्यावीत. (इंडक्शन कू़कटॉप वर २०० डिग्री ला पंधरा-वीस मिनिटे). उकळत असतांना करवंदांचा रंग बदलू लागतो. मी कच्च्या करवंदांची केल्यामुळे लालसर रंग आला होता.
२. उकळून झाल्यावर पाणी वेगळे काढून घ्यावे. ते नंतर वापरता येईल.
३. उकळल्यामुळे मऊ झालेल्या करवंदांच्या बिया काढून घ्याव्यात. नंतर त्यांचा गर एकत्र करावा. (मी चुकून आधी गर एकत्र केला त्यामुळे नंतर बिया काढायला त्रास झाला)
४. करवंदांचे बाजूला काढलेले पाणी आणि गर यांची एकत्रित मिक्सरमधून काढून पेस्ट करून घ्यावी. (लसूण आवडत असल्यास तीही घालावी)
५. नेहमीप्रमाणे फोडणी करून त्यात जिरे, तिखट, उडीद/मसूर डाळ घालून ही पेस्ट घालावी.
६. साखरेऐवजी गूळ घालावा. (आवडत असल्यास)
७. उकळी येईपर्यंत मंद आचेवर ठेवावी.
८. कढी रेडी!

विसू: या पदार्थाला बेसनही लावता येते. आम्ही विदाऊट बेसन खाल्ली त्यामुळे मी तशी पाकृ लिहिली आहे.
अवांतरः मी केलेली कढी चवीलाही उत्तम झाली होती. (आंबटगोड, मध्यम घट्ट)

स्त्रोतः आंबिवली गावातील (पेठ किल्ला उर्फ कोथळीगडाच्या पायथ्याचे गाव) सौ. सावंत काकू.
(नुकताच कोथळीगडाचा पौर्णिमेच्या रात्री ट्रेक केला. त्यावेळी दुसर्‍या दिवशी त्यांच्याकडे जेवणात ही कढी होती.)

फोटो -
उकळून पाणी व गर वेगळे -
बेसिक कढीचा हा फोटो. हा फोटो टोमॅटोचे सार म्हणून जरी खपू शकत असला तरी ती करवंदांची कढीच आहे. यात हवे तसे डेकोरेशन करता येईल.

******************
अनुभवी व प्रयोगशील माबोकरांनी यात नवनवीन प्रयोग करून इथे लिहावेत. म्हणजे मलाही नवीन करून बघता येईल.

- नचिकेत जोशी

विषय: 
Group content visibility: 
Public - accessible to all site users

छान. Happy
एक शंका यात पीठ(बेसन , तांदळाचे) लावले नसल्याने कढी का बरे म्हणावे?? करवंदाचे सार का म्हणू नये.

हा हा शुद्ध अन्याय आहे. सावंत काकुंनी तुला कशी काय ही कढी वाढली?? आम्हाला तर नव्हती!!
आणि कढी करण्याइतकी करवंदही तुला मिळाली???? भारीच्चे!

बाकी रेसिपी मस्त हो! पुरेशी करवंद मिळाली की करुन बघणेत येइल.

हा हा शुद्ध अन्याय आहे. सावंत काकुंनी तुला कशी काय ही कढी वाढली?? आम्हाला तर नव्हती!!
>>> काय सांगतेस?? तरीच पहिल्या पंगतीला बसलेलं पब्लिक म्हणतंय की त्यांनाही नाही मिळाली. दुसर्‍या तिसर्‍या पंगतीमध्ये होती..

वा! मस्त!

पण अशी कढी करण्याइतकी करवंदं शिल्लकच राहत नाहीत. आधीच विकत घ्यावी लागतात म्हणून जीव जळत असतो, जी मिळतात ती कधी संपतात हेच कळत नाही.

Yess nachi ekdam tompasu kadhi. Amhi gelo hoto tevha tya vahinini kacchya karvandanchi keli hoti
pan tyaveli besan lavla hota ek chamcha

shuku tu soupe mhan hakanaka. Sar mhanayla naralach dudh lavav lagel Wink

Gavkari kadhich mhantat. Tumhi tithe jaun sar kimva soup magal tar milnar nahi Proud ghari kay vattel te nav de tu Wink

Arya tujha pahilach trek hota tu adhich bhanjalalelis. Samor ala te svaha kel asashil nav gav n vicharta Wink
Tula veglya prakarch panha tari milal ka?

ह्यात डाळीचं वरण घातलंय म्हणजे ही तर आमटी!>> केश्वे, डाळीचं वरण? Uhoh

बिया वेगळ्या करणे हे कितपत किचकट असते?>>> सूप गाळायच्या गाळणीवर शिजलेली करवंदं घालून हाताने घोळल्यास बिया गाळणीवर राहतील आणि गर गाळला जाईल.

ह्यात डाळीचं वरण घातलंय
>>
अश्वे, फोडणीत घातलिये ग डाळ. वरण नाही घातले.

असोच जे दिसतय ते जबरी दिसतय मला गरम गरम भाताबरोबर ओरपायला आवडेल. कवे नारळाचे दुध लावुन सार करायला हरकत नाही वरील सामग्रीचे. Wink

सूप गाळायच्या गाळणीवर शिजलेली करवंदं घालून हाताने घोळल्यास बिया गाळणीवर राहतील आणि गर गाळला जाईल.
>> रंग लागतो गाळण्याला करवंदाचा... निघता निघत नाही... चवही राहत असावी थोडी.
(नैतर मग आपला हात जगन्नाथ!)

कविता, तिच तर मेख आहे. मी घरी ही पाकृ सांगितली तर ते काम माझ्याकडेच आऊटसोर्स्ड होणार आहे म्हणून आधीच विचारून ठेवतोय. Happy

Pages