बाप्पांकडून एक खास पत्र -
त्याच्या सार्या लाडक्या छोट्या दोस्तांना -
बाप्पांना सगळ्या छोट्यांनी लिहिलेली पत्रे फार फार आवडली. मग ते उंदीरमामाला काय म्हणाले -
गोड गोड ही पिल्ले सगळी
लिहिती झाली कशी पहा
गोड गोड पत्रातील गोष्टी
ऐक जरा उंदीरमामा
चला उठा हो मामा तुम्ही
झटकन व्हा तय्यार कसे
जाऊ घराघरामधुनि अन्
पत्र वाचुया सुंदरसे
जगामधील प्रश्नांची सार्या
उकल हवी रे "अवनीश"ला
एक गोडुली हाका मारे
किती मस्त वाटे "गणुल्या"
"ऋचा" विचारी कसा असशी रे
भातुकली ती देऊ तिला
आवडते का चिज मूषका
"श्रिया" विचारी खास तुला
"प्रांजल"कडचा सिक्रेट खजिना
कधी कधी कळणार मला ??
टेंपल पाशी पोहचवू रे
एकच काय रे साव्वेळा
"मिहिका" म्हणते सोडव बाबा
समस्याच सगळ्या सगळ्या
शाणी मुल्गी व्हायचे आहे
मदत करु रे चला चला
"आयाम" शाणा आवडतो रे
चॉकलेट घे ते एक जरा
सांगू आईला त्याच्या पण रे
गोड गोडसे डांट जरा
"चैतन्याची" पाटी भारी
डोंगर सायकल कस्ली रे
दादापेक्षा मोठे व्हावे
लहानपण मज आठवे रे
नकोय काही "नचिकेत"ला
झाडांचे किती प्रेम असे
कार्तिकेयची आठवण काढी
गुणी लेकरु गोड दिसे
नको होऊ गं सॅड "सानिका"
दोस्त असे मी कायमचा
जेव्हा दंगा, मज्जा करता
देव्हार्यातूनी हसायचा
थेऊरला तू आली होती
"श्रिया" गोडुली आठवते
स्पर्धा गोष्टींची बघण्याला
चला मामा निघू कसे
बुगाटीतुनी चक्कर मारु
सांगतसे "जय" पहा कसा
सीट कव्हर तू फाडू नको रे
सोड मूषका द्वाडपणा
शेअर करुया म्हणते "छोटी"
मला विचारी काय हवे
आवडतो मी किती तुला ते
पत्रातून मज जाणवते
उंदरावरती स्वार तुम्ही का
"तन्मया"स ते प्रश्न किती
रथातूनी का घरी जातसे
वाट पहाते मम्मीच ती
त्रास नाही ना झाला काही
गुणी किती हा अदूदादा (अद्वैत)
कार, बुद्धी नि शक्ति पाहिजे
ग्रेट आयुष्याचा वादा
चॉकलेटचे झाड हवे अन्
आईस्क्रीमचे "श्रावणी"ला
अडचण येता कुणालाही का
दूर करा म्हणते मजला
मुलेच झाली शाणी सगळी
छान छान लिहितात पहा
मोदक - आरती नकोच काही
खूप आवडे पत्र अहा ....
तुम्हा सर्व छोट्या दोस्तांचा,
गणुल्या .....
गणपति बाप्पा मोरया | धमाल पत्रे वाचूया ......
अरे, कित्ती गोड
अरे, कित्ती गोड
खूपच सुन्दर.... मला तर वाटतय
खूपच सुन्दर....
मला तर वाटतय सारे छोटे दोस्त खूप खुश होऊन नाचत असणार!.......
अरे वा छानच.
अरे वा छानच.
सुंदर कल्पना अन तितकेच सुंदर
सुंदर कल्पना अन तितकेच सुंदर अन खास करून छोटुल्यांना भावणारे लिखाण.. मस्तच !
अरे वा, बाप्पाचे उत्तर एकदम
अरे वा, बाप्पाचे उत्तर एकदम मस्त. मुलांसाठी इतके छान उत्तर लिहील्याबद्दल थँक्स.
फार गोड, चांगली पोच आहे
फार गोड, चांगली पोच आहे पत्रांची >>>>>+१
हां - आता बहुतेक सगळ्यांना
हां - आता बहुतेक सगळ्यांना पोच देऊन झालीये ......
एवढीऽऽ पत्रे येतील याची बाप्पांना काय कल्पना ???
पण सगळी सगळी पत्रे बाप्पांना खूप खूप आवडली.
सगळ्या छोट्या दोस्तांसाठी तर बाप्पा दरवर्षी न चुकता येतातच आणि ज्यांना जे जे पाहिजे ते ते बाप्पा त्यांना देतातच...
चला तर दोस्तांनो, मस्त मजा करा, दंगाही करा - खूप खाऊ खा आणि जमलंच तर अभ्यास करा - ओ के ??:)
सर्व मोठ्यांना आणि संयोजकांना मनापासून धन्यवाद ...
बाप्पानी छान दुत शोधला ''.करी
बाप्पानी छान दुत शोधला
''.करी मनोरंजन जो मुलांचे जडेल नाते प्रभुशी तयाचे''
सगळ्या छोट्याना छान बक्षिस मिळाल.
khup chan!
khup chan!
आवडल मनापासून
आवडल मनापासून
Pages