कदाचित हे असंच असेल सगळीकडे...

Submitted by मुग्धमानसी on 14 August, 2013 - 08:28

तुला वाटतं तसंच कदाचित हे असंच असेल सगळीकडे...
तुला वाटतं... माझी तगतग, चिडणं, उद्रेक, संताप... अगदी नैराश्यही... अगदी नॉर्मल आहे.
काळजी करण्यासारखं काहिही नाही...
या सगळ्यातून जाऊनही... सगळी नाती टिकतातच की! आपलंही टिकेल.
सवयीनं हळूहळू मीही शिकेनच सगळं स्वीकारणं... तुलाही.
खरंय तुझं.

पण टिकवण्यासाठी ओतलेल्या भरभरून अश्रुंनी खारट झालेलं हे नातं...
चाखता येईल आता कधी असं वाटत नाही.

असो.
हेही असंच असेल कदाचित सगळिकडे!

Group content visibility: 
Public - accessible to all site users

Happy
पुन्हा एकदा षटकार! Happy

पण टिकवण्यासाठी ओतलेल्या भरभरून अश्रुंनी खारट झालेलं हे नातं...
>>>>
बाआआआआअस!
__/\__

मस्त ...
यावरुन आठवले, कॉलेज मधे असताना एका मैत्रिणिच्या वहित वाचले होते.
तडा गेलेल्या ग्लासात फुले ठेवता येतात पण पाणी पिता येता नाही.....नक्की काय होते आता आठवत नाही पण बहुदा चारोळी होती अशाच अर्थाची.

तुझे लेखन नेहमीच मुग्ध करणारे असते... हे ही आवडलंच!

पण टिकवण्यासाठी ओतलेल्या भरभरून अश्रुंनी खारट झालेलं हे नातं...
चाखता येईल आता कधी असं वाटत नाही.>>> जियो...

जंगली डॉट कॉम ची अ‍ॅड तुमच्या ललिताच्यावर दिसत आहे.

५०% ऑफ ऑन सारीज अ‍ॅन्ड कुर्ताज! अशी!

'अ‍ॅन्ड ललित्स' असे अ‍ॅड करावेसे वाटत आहे.

उरलेल्या ५०% भावना न लिहिण्याचे काही खास कारण?

Happy

सर्वांना धन्यवाद!

बेफिकीर>> तुमचा प्रतिसाद आईशप्पथ कळला नाही. 'फार (कैच्याकै) ललितं झाली, आता बास करा' असं वगैरे काही सांगायचंय का तुम्हाला? तसं असेल तर खरंच बास करेन.
उरलेल्या ५०% भावना>>> त्या अव्यक्त आहेत. Happy

<<<पण टिकवण्यासाठी ओतलेल्या भरभरून अश्रुंनी खारट झालेलं हे नातं...
चाखता येईल आता कधी असं वाटत नाही.>>>
हो असच आहे सगळिकडे. अगदि खरे.