निसर्गाच्या गप्पा (भाग-१३)

माधव, तुम्हाला वाढदिवसाच्या शुभेच्छा...:स्मित:

मस्त रंगलाएत गप्पा............

अनिल, गुलाब एकदम रसशीत! आणि त्या वेली तुम्ही कुठे लावणार? मला जरा माहिती द्या नं...म्हणजे मी असं ऐकले आहे की ही फळं वाळूत वगैरे लाव्ली जातात. किंवा नदीकिनारच्या वाळूत येतात. पण बरेच जण वेगळ्याप्रकारे सुद्धा ही फळं काढतात. म्हणून मला उत्सुकता आहे. आणि मलापण पायजे हळद..माझ्यासाठी एखादा कंद ठेवाल?

शुभेच्छांबद्दल सगळ्यांना धन्यवाद.

स्निग्धा, मोठ्या कुंडीत हळदीच्या १-२ बीयाच लावु शकाल,कारण खत मिळाल तर रोप २-४ फुट सहज वाढेल. >>>> अरे वा, पण कंद तुम्ही मला देणार कसे?

सुप्रभात !

शांकली,
खुप वेली मधल्या फक्त २-३ ठेवल्या आहेत्,कुंडीत तेवढ्याच चांगल्या वाढतील म्हणून ..त्यांना १-२ कलिंगड नक्की लागतील
फळांसाठी वाळुची जमीन पाहिजे अस काही नाही, माती नुसार थोडाफार दर्जात फरक पडु शकतो,
आमच्याकडे द्राक्षे,पेरु,आंबे,चिकु,सिताफळ आणि कलींगड तर काळ्या जमिनीत, लाल, खडकाळ, मुरुमाड जमिनीतही चांगले पिकतात, त्यातही नदी काठच्या लाल मातीत तर केळी, कलिंगडाच भरघोस उत्पन आलेलं मी पाहिलयं आवळ्याची,पेरुची,रामफळाची भरलेली झाडे मात्र नदीकाठच्या लाल मातीत जास्त चांगली आलेली पाहिली

पुण्याजवळ भोरजवळच्या एका शेतकर्‍यानं स्ट्रॉबेरीची रोपे परदेशातुन आणली (महाबळेश्वरला सहज मिळाली नाहीत म्हणुन) आणि प्रथमच महाबळेश्वर सोडुन राज्यात भरघोस उत्पन्न (एकरी ७ लाख) घेऊन दाखवलं,त्यांनी आता आपल्या बांधावर काश्मिरी सफरचंदाची झाडे लावली आहेत त्याला ही फळे लागत आहेत हे विशेष.

पुण्याजवळ भोरजवळच्या एका शेतकर्‍यानं स्ट्रॉबेरीची रोपे परदेशातुन आणली (महाबळेश्वरला सहज मिळाली नाहीत म्हणुन) आणि प्रथमच महाबळेश्वर सोडुन राज्यात भरघोस उत्पन्न (एकरी ७ लाख) घेऊन दाखवलं,त्यांनी आता आपल्या बांधावर काश्मिरी सफरचंदाची झाडे लावली आहेत त्याला ही फळे लागत आहेत हे विशेष.<<>>

अनिल हे फार्म नक्की कुठे आहे आणि त्यांचं नाव सांगाल का?

अनिल हे अगदी खरेय. इथे तर वाळवंट म्हणावे अशी रेती आहे पण सर्व झाडे मजेत वाढताहेत. अगदी सफरचंदे देखील होतात. ( त्यांची चव वेगळी असते. )
पुण्यात डॉ नारळीकरांनी, थेट न्यूटनचे सफरचंदाचे झाड वाढवले आहे आणि त्यालाही फळे लागतात, अशी बातमी पेपरमधे वाचली होती.
आणि इस्त्रायल मधल्या मातीविना शेतीबद्दल आपण वाचतच असतो. तिथली संत्री मी इथे रोज खातो.

अनिल, मस्त फोटो. मोर बघून तर कधी तुमच्या घरी गटग करतोय असं झाल.

आणि सगळ्यांचे नाही जमले तर मी एकटा येईनच.>>>>>>>>>>>>>>मी पण येणार. ए येणार्‍यांनी हात वर करा .
दिनेशदा, तुम्ही कधी येताय इकडे परत? म्हणजे गटग ठरवता येईल.

किती छान माहिती दिलीत अनिल.......प्रयोगशील शेती करणार्‍या सर्वांचे कौतुक करावे तेवढे थोडेच!!

माधव, तुम्हाला वाढदिवसाच्या शुभेच्छा...

अनिल, स्ट्रॉबेरीबद्दल आणि सफरचंदाविषयी वाचुन खुप आशा वाटली. मलाही कधीतरी हे करता येईल.

आणि हळदीच्या बीया पहिल्यांदाच ऐकल्या. अर्थात फुले येतात म्हणजे बीयाही असणारच. पण लागवडीला बीया वापरतात हे कधी ऐकले नव्हते. मी तसेही हळदीच्या लागवडीबद्दलही कुठे ऐकले होते??? कांद्याची लागवडही बीया पेरुनच करतात मग हळदीची का नाही?

मेधा, मीही कुंडीत ओली हळद पेरलेली २ महिन्यापुर्वी आणि त्याला आता ४ मस्त सुगंधी पाने आलीत. आपल्यासाठी हळद पेरुन उगवणे स्वस्त पडत असेल पण कमर्शिअल उत्पादन घेणा-यांना हळद पेरुन त्याचे पिक काढणे महाग पडत असेल, परत लेबरही आलेच त्यात. त्यापेक्षा बीया पेरुन हळद लागवड स्वस्त पडत असेल.

७-८ वर्षांपुर्वी मी कुंडीत अशीच ओली हळद लावलेली. कुंडीत हळूहळु हळदीचे बन माजले. मी शेवटी कंटाळुन रोप उपटायला गेले तर मुळाशी जवळजवळ अर्धा पाऊण किलो ओली हळद मिळालेली.. अलभ्य लाभ

माझ्याकडे सध्या एक ६ इंच उंच अननसही आलेय. पण माझ्या घरी गुगल क्रोम लोड झाले आनि त्यामुळे मला पिकासावरुन फोटोच टाकता येत नाहीयेत आता. अननसावर एक मस्त लेख मनातल्य मनात लिहिलेला, त्याचे खरेखुरे फोटोही, अगदी प्रत्येक फुलाचे फोटो, काढलेले. ते कार्ड करप्ट झालं आणि पिकासाही बंद पडलं... त्यामुळे आता फोटो अपलोडच करता येत नाहीत.

साधना, तरीही लेख लिहीच !

शोभा, साधारण जुलै मधे बेत करु. तारीख मग कळवतो.

शोभा, साधारण जुलै मधे बेत करु. तारीख मग कळवतो.>>>>>>>>>>व्वा! व्वा! सगळ्यानी तयारीला लागा.

साधना, तरीही लेख लिहीच !>>>>>>>>>>>>+१०००००००००००००००००००००००००००००००

काय मस्त वाटल वाचुन सगळ..
मी माझ्या कडचे फोटो टाकते लवकरच

गेल्या रविवारी मी एक आगळीक केली. ( मला माहीत आहे, शशांकला आवडणार नाही, तरी पण ज्या अर्थी मी इथे आहे, त्या अर्थी लिहायला हरकत नाही. )

मी आधी ज्या घरी रहात होतो तिथे झाडाखालचा बाजार होता. स्थानिक लोक ज्या भाज्या खातात त्या मला सहज उपलब्ध होत्या. हिरव्या देठाची अंबाडीची भाजी पण सहज मिळायची.
किलांबातल्या नवीन घराजवळ मात्र असा बाजार नाही. आहे ते भले मोठे सुपरमार्केट. तिथे जास्त करुन आयात केलेल्या भाज्याच मिळतात.

तर गेल्या रविवारी मी नेहमीप्रमाणे जंगलात फेरफटका मारायला गेलो. जंगल म्हणजे घनदाट जंगल नव्हे. तर गवताळ प्रदेश आणि त्यात उभी असणारी काजू, आंबे आणि अशीच झाडे. जायला मस्त डांबरी रस्ता आणि आजूबाजूला असे जंगल. ( पुढच्या रविवारी फोटो काढीन ) तर मला झाडे झुडपे न्याहाळत जायची सवय आणि मला रस्त्यापासून साधारण १०/१२ फुटावर अंबाडीसारखे झुडूप दिसले.
इथे बाजारात मिळायची ती हिरव्या देठाची पण ही होती लाल देठाची. ( मुंबईत मिळते तशी. ) जवळ जाऊन
बघितल्याशिवाय मला चैन कशी पडणार ? दाट गवतातून मार्ग काढत तिथे गेलो.
अगदी जंगलातच बाढलेली असल्याने रंगरुपात थोडा फरक होता. खात्री करण्यासाठी फुले वा फळे नव्हती.
तरी मी काही पाने ( म्हणजे बरीच ) तोडून खिशात भरून घेतलीच.
घरी आल्यावर डोळ्यांनी, ( चष्मा नव्हता ) बोटानी, नाकानी खात्री करुन घेतली. धीर करुन बारीकसा तूकडा
खाऊन बघितला. तर अंबाडीच की !
अगदी खास वेगळी भाजी करण्या एवढी पण पाने नव्हती. मग मसुराच्या आमटीच्या फोडणीत वापरली.
पुढच्या रविवारी डल्ला मारणार आहे.

खास सुचना : हा वेडेपणाच होता. अनोळखी झाडांची पाने / फळे खाऊ नयेत. काही झाडे केवळ स्पर्शानेदेखील
विषबाधा करु शकतात. श्रीकांत इंगळहाळीकरांनीदेखील रानतंबाखू बाबत अनुभव लिहिला आहे.

दिनेश, वाचलात...लाल रंग म्हणजे धोका...

सारिका,
शेतकर्‍याच नाव नक्की आठवत नाही पण गेल्या महिन्यात टीव्ही वर मुलाखात पाहिली होती,नाव शोधुन सां गु शकेन.

अनिल, स्ट्रॉबेरीबद्दल आणि सफरचंदाविषयी वाचुन खुप आशा वाटली. मलाही कधीतरी हे करता येईल.
साधना,
पुरेशी जागा नसेल तर स्ट्रॉबेरी कुंडीत देखील लावता येईल
लहान ओले हळकुंड लावले तरी देखील चालते पण या बीया पासुन मिळेल तेवढे उत्पादन मिळणार नाही.तुम्ही म्हंटल्याप्रमाणे फक्त या बियांचा खर्चच एकरी ४०-५० हजारापर्यंत आहे.बाकी इतर खर्च वेगळा.

अनिल, मस्त फोटो. मोर बघून तर कधी तुमच्या घरी गटग करतोय असं झाल.
शोभा१२३,
लवकरच हा योग येईल अशी आशा आहे.

<< ते कार्ड करप्ट झालं आणि पिकासाही बंद पडलं... >> हार्डडिस्क सारखा कार्डचा डेटा रिक्व्हर नाही होत का?

दा, काय हे?? नशीब की ती अंबाडीच निघाली!

हार्डडिस्क सारखा कार्डचा डेटा रिक्व्हर नाही होत का?

माहित नाही, प्रयत्न करुन पाहिला नाही. आज बघते घरी गेल्यावर.

गेल्या रविवारी मी एक आगळीक केली. >>>>>>>>>>.दिनेशदा, तुम्ही सुद्धा????????????????

गेल्या रविवारी मी एक आगळीक केली. ( मला माहीत आहे, शशांकला आवडणार नाही, तरी पण ज्या अर्थी मी इथे आहे, त्या अर्थी लिहायला हरकत नाही. ) >>>>>>

खास सुचना : हा वेडेपणाच होता. अनोळखी झाडांची पाने / फळे खाऊ नयेत. काही झाडे केवळ स्पर्शानेदेखील
विषबाधा करु शकतात. श्रीकांत इंगळहाळीकरांनीदेखील रानतंबाखू बाबत अनुभव लिहिला आहे. >>>>>

मागे एकदा मी व शांकली असेच झाडे, पाने, फुले पहायला पुण्याच्या आसपास भटकत होतो - एका झुडुपाच्या फांदीवर अनेक फुले आलेली मी पाहिली - ओळखता येईना म्हणून तोडून घेतली बरोबर - दुसर्‍या दिवशी शांकली गेली साने मॅडमकडे (डॉ. हेमा साने) विचारायला - तर ती फुले चक्क "रानतंबाखूचीच" होती म्हणून कळले - नशीब मी जेव्हा ती फुले तोडली तेव्हा त्याच हाताने डोळे पुसले नव्हते किंवा अंगावर कुठेही तो हात लावला नव्हता ...
नाहीतर मलाही श्रीकांत इंगळहाळीकरां सारखाच झटका बसला असता ... सुदैवाने वाचलो झालं....

दिनेशदा जपून रहा हां .... पाना-फुला-फळांपासून

रानतंबाखू हाताला किंवा डोळ्याला लागली तर काय होतं?

या वर्षीपण मे फ्लॉवर फुलायला लागलाय.

मारव्याची डिग्शी लावली तर वाढतो का?

शशांक, नेमक्या त्या क्षणी सगळा शहाणपणा कुठे गायब होतो तेच कळत नाही

रावी, हाताची आणि डोळ्याची आग आग होते. रानतंबाखूचे झाड मोठे असते. पाने मोठी असतात पण काही पानात मधेच एक खिडकी असते. तूराही आकर्षक असतो आणि लांबूनही सहज दिसतो. मला वाटते, शांकलीने मागे फोटो टाकला होता.

विषारी वनस्पतिंचा विषय निघाला कि मला हटकून दूर्गा भागवतांची आठवण होते.
पण त्या आजारपणातच तर त्यांनी विपुल लेखन केले. ( ऐसपैस गप्पा मधे, या आजारपणामूळेच आपण अविवाहीत राहिलो, असे पण त्या म्हणाल्या आहेत ना ? )

रानतंबाखू हाताला किंवा डोळ्याला लागली तर काय होतं? >>>> डोळ्यांची प्रचंड आग होते व तात्पुरते (कायमचे नव्हे) अंधत्व येऊ शकते ... श्री. श्रीकांत इंगळहळीकरांचा अनुभव

जो_एस, त्याची जाडसर फांदी पावसाळ्यात तग धरते.
नर्सरीत रोपे मिळायला हवीत.

मला सांगा हे काय आहे?