वेडे नाते

Posted
10 वर्ष ago
शेवटचा प्रतिसाद
10 वर्ष ago
19

टेबलावर निरर्थक लिहीताना नकळत
बोटं तुझं नाव गिरवायला लागतात
कामात गुंतलेले सारेच क्षण
तुझ्या विचारांत हरवायला लागतात

स्वप्नात भेटणं जुनं झालं कधीच
आता प्रत्यक्षात पण तुझा भास होतो
केसांशी खेळणारा वार्‍याचा झोका
मानेशी रूळणारा तुझा श्वास होतो

तुझी ओढ, तुझी आस, तुझा छंद मला
तुझी नसूनही तुझी होऊन जाते मी
तुझ्यामाझ्यातले निनावीच बंध
उरी तरी जपते हे वेडे नाते मी

(ब्लॉगवर पूर्वप्रकाशित)

विषय: 
लेखन
प्रकार: 
कविता
शब्दखुणा: 
कविता
शेअर करा

छान.... किती सहज वाटली.... मस्त.

केसांशी खेळणारा वार्‍याचा झोका
मानेशी रूळणारा तुझा श्वास होतो >>> हे खासच.

Submitted by UlhasBhide on 24 April, 2013 - 12:54

एक अंतर्गत लय आहे. छान आहे

तुझी ओढ, तुझी आस, तुझा छंद मला
ही ओळ वाचतांना मजा आली. Happy

Submitted by उद्दाम हसेन on 27 April, 2013 - 12:00