वॉटर प्युरीफायर्स

http://www.maayboli.com/node/25597 हे बघा

कविन ने केलं तुम्हाला शहाणं केलं बघा!

Hindustan Lever चे PureIT मस्त आहे. त्याला power लागत नाही, कुठलेही electronic circuit नाही. १५०० लिटर capacity चे ५००रु ला मीळते. महत्वाचे म्हणजे running water लागत नाही.
मी गेली ४ वर्ष वापरतो आहे, फार चांगला अनुभव आहे. service पण चांगली आणि तत्पर आहे.

माझ्या वडिलांकडे Hindustan Lever चे PureIT आहे. त्यांनी सुरुवातीला बॅटरी का काय असते ते ६ महिने चालेल असे सांगितले पण ते ४ महिन्यातच संपले. Hindustan Lever च्या लोकांनी सांगितले की तुम्ही ४०० लिटर पाणि वापरले. प्रत्यक्षात आई बाबा बरेच दिवस घराबाहेरच होते. नवीन बसवायचे तर ८५० किंमत सांगितली. न लावून सांगतो कोणाला अशी परिस्थिती आहे.

मला ते अजिबात कॉस्ट इफेक्टीव वाटले नाही. त्याऐवजी मला आमचे अ‍ॅक्वा गार्ड जास्त चांगले आहे असे वाटते.

<१५०० लिटर capacity चे ५००रु ला मीळत<> १५ लिटर असेल.

झकासराव, पाणी प्यायला पाहिजे कि वापराला?

http://www.oorjasolution.com/
याबद्दल कुणाला माहिती आहे का?

झकासराव - ती तिसरी कंपनी जे सर्व चांगलं, लो मेंटेनन्स वगैरे दावा करीत आहे तो फिल्टर कोणी वापरत आहे का हे चौकशी करा - जो प्रत्यक्ष वापरणारा आहे तोच खरे प्रॉब्लेम्स, मेंटेनन्स कॉस्ट वगैरे सांगू शकेल. कुठलेही प्रॉडक्ट मार्केटिंग करताना -सर्व चांगले, चांगले म्हणूनच म्हणत असतात -आपण नीट बघून, जो काही काळ वापरतोय अशाला भेटून मगच तो प्रॉडक्ट घेणे श्रेयस्कर असते.

मी गेले सहा-एक वर्षं प्युरीट वापरत आहे. कधीही काहीही तक्रार नाही. नियमित घरच्याघरी साफ केले की स्वच्छ पाणी.

http://www.maayboli.com/node/25597 हा बाफ काढला त्यावेळी प्युरीफायर बदलावा की काय? अशी शंका मनात निर्माण झाली होती. पण इतर कंपन्यांची पत्रके वाचून, आमच्या गरजा, रनिंग वॉटर करता लागणारी वेगळी पाईपलाईन टाकून घेणे, स्वैपाकघरात जागा असणे इ सगळ्या बाबींचा विचार करता प्युरीटच सुरु ठेवण्याचे ठरले.

त्यांची सर्व्हिसही अतिशय चांगली आहे. एकदा त्यांचा माणूस तुमच्याकडे आला, की त्याचा नंबर घेऊन ठेवा. तो तुमच्या एरीयाकरता काम करत असतो. त्यामुळे काही समस्या उदभवल्यास डायरेक्ट त्याला फोन करून बोलावून घेणे सोपे पडते.

मी गेले सहा-एक वर्षं प्युरीट वापरत आहे. कधीही काहीही तक्रार नाही. नियमित घरच्याघरी साफ केले की स्वच्छ पाणी. >>>> मला वाटतं हा साधा फिल्टर असावा - आर ओ सिस्टिम नसावी. कारण तुम्ही मुंबईत रहाता त्यामुळे क्षार कमी करावे असा उद्देशही नसावा.
झकासरावांना बोअरिंगच्या पाण्यामुळे - कोणता फिल्टर वापरला असता क्षार कसे कमी होतील ही माहिती हवी आहे (माझ्या मते).
आर ओ सिस्टिम म्हटली की मेंटेनन्स आलाच - तो फिल्टरही बहुधा बदलत असतील, नुसता साफ करुन चालत नाही.

मी जेव्हा प्युरीफायर बद्दल माहीती जमवत होते तेव्हा मलासुध्दा permionics india चे रीव्ह्यु चांगले वाटले होते. पण त्यांची मला हव्या असलेल्या जिल्ह्यात service च नव्हती.

३०० ppm पर्यंत क्षार असले तरी चालतात पाणी प्यायला

झकास.. 'प्युअर फ्लो'चा फिल्टरपण चांगला आहे (मेंब्रेन टेक्नॉलोजी). माझ्याकडं पुण्यात मी वापरतोय. मेंटेनन्स काहीच नाही. पण स्टोरेज नाही. वाहतं पाणी पाहिजे. त्यांचंच आता नवीन मॉडेल आलंय ज्याला वीज लागते. आमच्या सांगलीतल्या घरी नुकतंच बसवलंय. तिथं आधी प्युअर इट होतं पण त्याचा फारसा फरक पडत नव्हता सांगलीच्या पाण्याला. 'प्युअर फ्लो'चा मात्र चांगलाच फरक दिसतोय. पाण्याची चवपण पुण्यातल्या पाण्यासारखी लागते आता. यांची कुठं फारशी जाहिरात मात्र कधी दिसत नाही. विक्रीपश्चात सेवाही बरी आहे.

मझ्याकडे फिलिप्स चा यूवि वाटर पुरिफिएर आहे ज्याचि Servicing आपन स्वाताहा घरी करु शकतो. model:-WP3889/01 . पुण्यामधे त्याचा फिल्टर कुठे मिलेल ? कोनाला कहि महिति ?
Servicing एक्दम सोपि आहे. फिल्टर अणि यूवि लाइट बदलने अगदि ५ मिनिटात होते.

झकास, अतिशय उपयुक्त धागा. आमच्याकडेही सेम प्रॉब्लेम झालाय. कॉर्पोरेशनचे पाणी पुरत नाही त्यामुळे सोसायटीवाले लागेल तसे टँकर आणुन ओततात. बिल्डरने दिलेल्या प्युरिफायर आता कुचकामी वाटतोय कारण स्वच्छ केलेले पाणी उकळले तर भांड्याच्या कडेला व तळाला पांढरा साका जमा होतो.

कोणीतरी डॉक्टरांनी इथे लिहा प्लीज.

झकासरावांनी हितं लिवायची आडर विपूने दिलिये. आन वर चिंगीतै बी म्हन्ल्यात म्हून लिव्तोय.

(न पटण्यासारखा व निरुपयोगी प्रतिसाद)

कॉर्पोरेशनकडून पिण्यायोग्य (पोटेबल वॉटर) पाणी पुरवठा झाला पाहिजे. तो बहुतेकदा तसा असतो.

कॉर्पोरेशनकडून पाणी येते, त्याचे शुद्धीकरण आधीच करून आलेले असते. आपण फक्त डिस्ट्रीब्युशन सिस्टीममधील काँटॅमिनेशनबद्दल काळजी केली तरी पुरेसे व्हावे.
***
म्युन्सिपाल्टीचे पाणी पुरत नाही, हा प्रकार जरा कठीण आहे समजायला. जर पुरत नसेल तर पुरेसा पाणीपुरवठा होण्यासाठी दबाव तयार करणे इ. इलाज आहेत. पण आपण बोअर खणून जमीनीच्या पोटतले १००० वर्षे जुने पाणी वर काढून आधी गाड्या/फरशा इ. धुण्यासाठी अन मग नंतर पिण्यासाठी वापरण्याचा उद्योग करीत असतो. याऐवजी, मुन्शीपाल्टिने (पाणीपट्टी घेते म्हणून) उत्तम पाणी दिलेच पाहिजे असा प्रयत्न केला तर जास्त चांगले. (आमच्या खानदेशात शिरपूर नामक तालुक्याच्या गावी नळाला बिस्लरीचे पाणी येते. म्हणजे त्या क्वालिटीच्या प्युरिफिकेशन प्लांटचे पाणी डायरेक्ट मुन्शिपाल्टीच्या नळाला. लोक संडासातही तेच वापरतात.) असो. तो इथला विषय नाही.
***
उपाय सुचवतो.

बिल्डिंगवर/घरावर २ टाक्या बसवा. म्युन्सिपाल्टीचे पाणी एक्स्क्लुजिवली एका टाकीत, व त्याचा वापर फक्त आणि फक्त पिण्यासाठी, भाज्या इ. धुण्यासाठीच फक्त करा. या पाण्याने दुसरे कोणतेही काम करू नका. यासाठी ४ लेयरची व स्क्रूकॅप झाकण असलेली टाकी वापरा. इतक्या कामासाठी ते पाणी पुरुन उरावे. इतर धुणीभांडी करायला बोअरचे/विहिरीचे पाणी वापरावे.

या उपर ते (मुन्शिपाल्टीचे सेप्रेट टाकीतील पाणी) गाळून घेण्यासाठी विना आर.ओ. चा फिल्टर पुरेसा व्हावा. साध्या अ‍ॅक्वागार्डमधे एक कापसाचा अन एक कार्बनचा फिल्टर प्लस फार झालं तर एक यूव्ही ट्यूब असते. पाहूनच हसू आलं होतं मला. याच फडकं अन कोळशातून गाळायला आपण लाईटबिल अन 'कँडल'चे पैसे त्या गाढवांना देत असतो. लहानपणी आई घट्टशा विणीचे सुती कापड चौघडी करून गाळण्यासाठी वापरत असे. अन त्यात पाणी गाळून आम्ही पीत असू. (ऑफकोर्स, 'त्या' काळी कॉलर्‍याच्या साथी देखिल येत, पण मी तरी गेल्या २० एक वर्षांत अशी साथ पाहिलेली नाही. रिसेंटली एक काविळीची साथ ऐकली आहे मात्र.)

फिल्टर का हवा?
तर
१. 'जंतू मारण्या साठी'
२. क्षार नियंत्रित करण्यासाठी.

अगदी संपूर्ण निर्जंतूक व विना मिनरल्सचे म्हणजे डिस्ट्ल्ड वॉटर वापरायचे ठरले, तरी तुम्ही स्ट्रिक्ट असेप्टिक प्रिकॉशन घेऊन मग ऑटोक्लेव्हड ग्लासेस वापरून त्यातून पाणी पिणार आहात का? अन मग तुमच्या तोंडात असलेल्या जंतूंचे काय?

ब्याक्टेरिया, व्हायरसेस इ. युबिक्विटस असतात. म्हणजे सर्वत्र आढळतात. घराबाहेर पडून कोपर्‍यापर्यंत जाऊन थोडी भाजी घेऊन आलात, तरी एक ५-५० टीबीचे जंतू तरी तुमच्या श्वासातुन शरीरात घुसलेलेच असतात.

सगळीच मिनरल्स काढून टाकणे धोकादायक आहे, हे त्या दुसर्‍या बीबीवरील पहिलीच डब्लू.एच.ओ. ची पीडीएफ पाहिलीत तर समजेल.

तात्पर्यः
या सगळ्यांचा फार बाऊ करू नका. आपल्या शरीरात इम्यूनिटी नावाचा प्रकार आहे. थोड्याफार एक्स्पोजरने तो अधिकाधिक स्ट्राँग होईल अशीही व्यवस्था आहे.

रीझनेबल स्वच्छता पाळा. अन बिन्धास्त पाणी प्या.

तुमच्या भागात खूप जड पाण्यामुळे किडनी/युरीनरी स्टोन इ. चे प्रमाण जास्त असेल, फ्लुरोसिस सारखे आजार 'एन्डेमिक' असतील तरच त्या दृष्टीने वॉटरसॉफ्टनर इ. वापरा. अन्यथा, आपापल्या ऐपतीप्रमाणी केन्ट, युरेका फोर्ब्स इ. लोकांचे खिसे भरा. जाड फडक्याने पाणी गाळून अन पाण्यात क्लोरिवॅट किंवा जीवन ड्रॉपचे २ थेंब टाकून प्यालात तरी हरकत नाही. जुलाबच होत असतील तर पाणी उकळून / गाळून प्या

पाण्यातले जंतू संपवलेत तर हवेतले आहेतच. बाकी इतर मार्गांनी येणारे देखिल आहेतच.

टीपः
'पाणी बदलल्याने' पोट बिघडते, कारण तुमच्या इम्युनिटीला माहीती नसलेले तिथले लोकल जंतू पोटात येतात.
जितका जास्त दूरचा प्रवास, तितका त्रास जास्त होऊ शकतो. दिल्ली बेली (दिल्लीला येणार्‍या युरोपियनांचे पोट पाण्यामुळे बिघडणे), हा त्यातीलच एक आजार.

छान चर्चा. माझ्याकडे गेली ३ वर्षे टाटा स्वच्छ आहे. फक्त १००० रुपयांत घेतले होते. वीज लागत नाही. कपॅसिटी १८ लीटर्स. २ वेळा त्यातला बल्ब (कँडलसारखा प्रकार असतो) बदलला. त्याची किंमत आता ३५० रुपये. हा सगळ्यात स्वस्त आणि कार्यक्षम प्युरिफायर असावा. पण जड पाणी सुधारते का ते मात्र माहित नाही. अजूनपर्यंत पोटाच्या आजाराने घरातले कोणी कधी आजारी पडले नाही.

ज्यो ताई+१
मलाही लग्नात टाटा स्वछ मिळाला आहे प्रेझेंट म्हणून तोच आहे वापरायला रोज.. फक्त आम्ही त्यात रात्र्भर तांब्याच्या कळशीत ठेवलेले पाणी ओततो. पण खुप पाहुणे वगैरे आले तर ते पुरत नाही म्हणून कार्पोरेशन चेच पाणी डायरेक्ट. आजपर्यत काही ही आजार झालेले नाहीय्ते पाण्यामुळे..

इथेच वर डॉक्टरांनी (इब्लिस) सगळे व्यवस्थित समजाउन सांगितले आहेच.

तरीही "पिण्याचे पाणी" या धाग्यावरील मी दिलेली माहिती इथे परत देत आहे.

"जी मोठी शहरे आहेत (पुणे, मुंबई, नागपूर, नाशिक, इ.) तिथे म्युन्सिपाल्टीची वॉटर प्युरिफिकेशन्सची मोठ मोठी केंद्रे असतात. या ठिकाणी पाण्याच्या क्षारांचे प्रमाण ठरवणे इथपासून क्लोरिनेशन (जे बॅक्टेरिया, व्हायरस यांचे नियंत्रण करते) वगैरे सर्व गोष्टींची व्यवस्थित दखल घेत असतात. यामुळेच अशा सुसज्ज यंत्रणेतून येणारे पाणी जसेच्या तसे पिण्यायोग्यच असते (कुठलाही वॉटर प्युरिफायर वापरायची गरजच नसते).

क्षार संपूर्णपणे काढलेले पाणी आपण पिऊ शकणार नाही, त्याची गरजही नसते. अतिक्षार असलेले पाणी पिण्यायोग्य नसते. क्षाराचे प्रमाण टेस्ट करणार्‍या अनेक लॅब्ज आहेत - त्यांच्याकडे जाऊन कोणीही हे करु शकेल. (शहरात याची गरज नाही) ज्या ठिकाणी बोअरचे/ विहीरीचे वगैरे पाणी पिण्यासाठी वापरत असतील त्यांनी हे क्षार टेस्ट करुन तज्ज्ञांच्या सल्ल्याने आयन एक्स्चेंज रेझिन्स वापरुन ते क्षार नियंत्रण करणे गरजेचे आहे. तीच गोष्ट - फिल्ट्रेशन युनिट्सची - तज्ज्ञांचा सल्ला.

शहरात जे पाणी येते त्यात प्रचंड क्लोरिन वापरलेला असतो -त्यामुळे हे पाणी, परत निर्जंतुक करणे (फिल्टर व उकळणे) याला काहीही अर्थ नाही. जेव्हा हे पाणी साठवण्यात येते (घरात, अंडर ग्राऊंड/ ओव्हरहेड टाक्यांमधे) तेव्हा खरा प्रश्न येतो. पण वारंवार टाक्यांची निगराणी राखणे, त्या स्वच्छ ठेवणे हा यावरचा साधा उपाय आहे.

पुणे शहरातील - वॉटर फिल्टर वापरणार्‍या लोकांचे आरोग्य व साधे नळाचे पाणी वापरणारे लोकांचे आरोग्य असा सर्व्हे मला वाटतं डॉ मिलिंद वाटवे (पुणे) यांनी त्यांच्या काही विद्यार्थ्यांकरवी केलेला होता -त्याचा निष्कर्ष -साधे नळाचे पाणी वापरणारे लोकांचे आरोग्य जास्त चांगले असा होता.

अर्थात आपण घरात पाणी ज्या भांड्यात, माठात, पिंपात साठवतो ते सर्व व्यवस्थित स्वच्छ ठेवणे याला खूपच महत्व आहे."

कोणत्याही कंपनीचा फिल्टर घेतला तरी तो कोणत्या कारणाकरता हे सगळ्यात महत्वाचे आहे -
मुख्यतः दोन कारणे -१] पाण्यातील क्षार कमी करणे - यात आर ओ सिस्टिमचा वापर केला जातो. - बोअरचे पाणी ज्यात क्षार खूप आहेत ते क्षार कमी करण्यासाठी यात यंत्रणा असते.
२] पाण्यातील बॅक्टेरिया, व्हायरस, प्रोटोझोन्स नियंत्रित करणे. - ही साधी गाळणी असते. मात्र कुठलाही फिल्टर व्हायरस काढू / गाळू शकत नाही. त्याकरता क्लोरिनसारखे काही रसायनच लागते.

वर डॉ. नी सांगितलेच आहे की पाणी निर्जंतुक करुन पिण्याचा उपद्व्याप करण्यात काहीही अर्थ नसतो - तरीही बरीच मंडळी तो का करतात हे कळत नाही.
क्षार कमी करणे हे समजण्यासारखे आहे कारण जास्त क्षार शरीराला अपायकारक असतात (उदा. मुतखडा होणे)
शेवटी काय - "पसंद अपनी अपनी, खयाल अपने अपने"

कोणतापण वॉटर फिल्टर घ्या पण सोबत येक संकल्प पण करा
" मी माझ्यापरीने पाण्याच प्रदुषण कमी करण्याचा आटोकाट प्रयत्न करणार "त्यासाठी
१. ईतत्र केर कचरा टाकणार नाही कारण त्या कचर्यातला बराच भाग पावसाबरोबर पाण्यात जातो
२. नदीत / तळ्यात / समुद्रात निर्माल्य टाकणार नाही. ताबुत / मुर्त्या पाण्यात टाकणार नाही.
३. सांडपाणी नियोजनासाठी कमीतकमी आपापल्या सोसायटीत प्रयत्न करणार

विचार करा.....

इब्लिसनी बरंच काही लिहलचं आहे. फक्त रेझिन वापरणं आणि थॉय्रॉइड होणं (अ‍ॅटो इम्युनो) असं काहितरी वाच्ल गेलय तसच डॉ. सांगितले आहे (झिरो बी संदर्भात).

पण बरेच लोक पैसे वाया घालवतात (गरज नसताना) हे मात्र बघितलं आहे. आम्ही जे नळाला पाणी येतं तेच पितो. फक्त पावसाळ्यात काहि दिवस मात्र उकळुन घेतो. (२-३ आठवडे).

खुपच टेंन्शन येत असेल तर ते क्लोरीन ड्रॉप्स वापरावेत.

जड पाण्यामुळे मुतखडा होतो असं कुठे चांगल्या रेफर्न्सने आलं असेल तर प्लिज शेअर करा.

मी जिथे काम करतो तेथे पाण्याचा टीडीएस ८०० पि पि एम आहे. हॉस्टेल (६०० मुलेमुली) वरचे सगळे लोक तेच पाणी पितात. त्यातल्या खुप कमी लोकांना त्याचा त्रास होतो.

हां पण अंघोळीला आणि कपडे धुवायला खुप त्रास होतो त्याचा. त्यासाठी वॉटर सॉफ्टनर वापरला तर चालतो. मी एक युनिट बनवले आहे स्वतःसाठी. त्याला ३००० रु खर्च आलाय. अजुन ़ओडले नाहिय. मला माझ्या वापरानुसार ते दर १५ दिवसांनंतर रीजनरेट करावे लागेल.

धन्यवाद इब्लिस.
दोन टाक्या करणं प्रॅक्टिकल नाहीये हे वर झकासरावांनी लिहीलं आहेच म्हणुन परत लिहीत नाही.

इम्युनिटीचा मुद्दा मला महत्वाचा वाटतो. पाण्यातले सगळेच जीव जंतु मारा, दिवसभर वेळोवेळी हात अँन्टीसेप्टिकने २ मि. धुवा, तसलाच साबण वापरा, A.C पण हवेतले जंतु मारुनच थंड हवा पुरवणार, फ्रिजचंही तेच असं सगळं करायंच आणि मग या अतिप्रोटेक्टेड वातावरणातुन जरा बाहेर पडलं की आजारी पडायचं. अर्थात बेसिक स्वच्छता महत्वाची आहेच पण थोड्या एक्स्पोजरमुळे इम्युनिटी टिकणं/वाढणंही महत्वाचं.

बाकी चर्चा वाचतेय आणि इंटरनेटवरही शोधाशोध सुरु आहे. झकास तुम्ही जो कोणता प्युरिफायर घ्याल तो इथे नक्की लिहा बरे.

आता टिडीएस मुळे काय काय बिघडु शकतं हे जरा डिटेल लिहिणार का?<<
पुरंदरे यांनी छान माहिती दिलेली आहे क्षार नियंत्रणाबद्दल.

निवांतराव
थायरॉईड चे काही सापडले नाही बुवा.