घाबरावे लागते ............

अवांतर : मायबोलीकर गझलकार बंधुभगिनींनो नमस्ते
मी नवाच एक कुणीतरी आपल्या चमूत दाखल होवू पाहत आहे तसे मी इथे काही महिने भेट देत आलो आहे पण सदस्यत्व आजच घेतले आहे
खालील रचनेत कोणावरही राग म्हणून शेर केले नाहीत हे आपण जाणालच म्हणा !!
खरे सांगू ...तुमच्या सगळ्यांकडूनच मी गझल शिकत आहे या रचनेत मी तुमच्यावरची श्रद्धा प्रकट करण्याचा प्रयत्न केला आहे
माझी गोड चिमटे काढत काढत लिहायची शैली तुम्हाला नक्की आवडेल !!
आपण दुखावले जाणार नाही याची शक्यतो काळजी घेतो आहे तरी चूक झाल्यास माफ करावे माझा अपराध पोटात घ्यावा ही विनन्ती

गझल :

वाद थांबावा असे काही करावे लागते
बेफिकिरसे भांडण्याला घाबरावे लागते

एक वाक्यच सांगुनी शिकवीन पर्यायी गझल
शेर असुदे कोणताही भादरावे लागते

जीत आणिक हार यांची काय तुलना मी करू
जर स्वत:ला जिंकताना मी हरावे लागते

तो तुझा प्राजक्त फुलतो दूरदेशी का असा
गंध येतो मायदेशी पण झुरावे लागते

ती तुझी आनंदयात्रा नेमकी भरते कधी
एकदा !!... पण वर्ष जावे आकरावे लागते

यार तू कणखर किती पण शेर हळवा केवढा
वाचला नाही तरी मन सावरावे लागते

शेकडो गझला तसे दसलाख मिसरे शोधले
ओळ तरहीची मिळाया डॉकटरावे लागते

या मनाच्या अंबरी निशिकांत पिकतो शेवटी
प्रथम हे आयुष्य अवघे नांगरावे लागते

सोडले आहे समाधी-ध्यान धरणे मी जरी
देसले साहेब दिसले की धरावे लागते <<<<<( ओळीचा चुकीचा अर्थ काढू नये )

ज्यास कंगाली खयालांची सतावे रोजची
खर्च करण्या विठ्ठलाला वापरावे लागते

एवढी रंगात मैफलयौवना येते ;कि उफ् !!
हाय .... पण मम शायरीला शंभरावे लागते !!<<<<<<<<( )

~ नवाच एक कुणीतरी !!

आणखी काही आवडत्या गाझलकारांबद्दल जसे की शामजी ,अरविन्दजी ,जयन्ताजी, फाटक जी यांबद्दल शेर लिहिले असते पण काफिये आठवले नाही आहेत कृपया त्यांनीही मला आज माफ करावेच ही विनंती कुणाबद्दल अधिक -उणे बोललो असेन तर मोठ्यामनाने माफ करा

लोभ असूद्या !!

आता तुमच्यातलाच पण..... ~ नवाच एक कुणीतरी !!