भारतात आल्यावर प्रकाशचित्रण क्षेत्रामध्ये काहीतरी करायचं आहे असं मनात होतं. काय ते नक्की ठरवलं नव्हतं आणि कळतही नव्हतं. इतर अनेक गोष्टी करतानाच ठाण्यातल्या 'फोटो सर्कल सोसायटी' या संस्थेची मेंबर होण्याच्या उद्देशानेच 'फोटो सर्कल सोसायटी'ने आयोजित केलेल्या एका व्याख्यानाला गेले. 'फोटो सर्कल सोसायटी' दरवर्षी 'आविष्कार फोटोग्राफी स्पर्धा' आयोजित करते. तिथे दरवर्षी मी स्पर्धक म्हणून प्रवेशिका पाठवत असे. पण तरीही तिथले कुणी मला पाहिलेलं नव्हतं. त्यामुळे ओळखण्याचा प्रश्नच नव्हता. पण जेव्हा मी माझे नाव सांगितलं तेव्हा मला ओळखणारे लोक पाहून मला खरंच धक्का बसला होता. त्यादिवशी अनेक फोटोग्राफर्सना भेटून मस्त वाटलं.
त्यानंतरच्या पुढच्या मिटिंगच्या आधी डोक्यात आलं की इतके सगळे फोटोग्राफर्स आहेत, तर सगळ्यांनी एकत्र मिळून फोटोग्राफी वरती एक दिवाळीअंक काढता येईल का? ही कल्पना सुचल्यावर "फोटो सर्कल सोसायटी"च्या कार्यकारी सदस्यांना एसएमएस करणार होते. मग विचार केला 'उगाच कशाला ! कुणाला आवडणार नाही . जाऊदे.' पण तरीही जेव्हा पुढच्या मिटिंगला गेले तेव्हा "फोटो सर्कल सोसायटी"चे सरचिटणीस संजय नाईक यांच्याशी बोलताना सहज बोलून गेले. त्यांना ही कल्पना तेव्हाच आवडली. मला वाटलं कल्पना दिली, आपलं काम संपलं.
आता जमलं तर एक लेख नक्की देऊ अंकात !
पण एक दोन दिवसात रात्री त्यांचा फोन आला आणि एकदम 'या कामाची जबाबदारी तू घे. तुझी कल्पना आहे त्यामुळे तुला करता येईल' असंच त्यांनी सांगितलं. मी तेव्हा काहीशी गोंधळून जबाबदारी टाळण्याचाही प्रयत्न केला पण तो व्यर्थ ठरला.
मला या क्षेत्राचा काहीही अनुभव नसला तरी सॉफ्टवेअर क्षेत्रातला प्रोजेक्ट मॅनेजमेंटचा आणि प्रोजेक्ट प्लानिंगचा बराच अनुभव होता. एकदा शिकलेले कधीच व्यर्थ जात नाही या उक्तीप्रमाणेच तो अनुभव इथे कामी आला. या कामाला एखाद्या प्रोजेक्ट प्रमाणेच मानून पहिली टास्कलिस्ट आणि रफ टाईमलाईन प्लान बनवला. वेळापत्रकानुसार लग्गेच काम चालू केलं तरच वेळेवर होणार होतं. तो प्लान "फोटो सर्कल सोसायटी"चे सरचिटणीस संजय नाईक आणि अध्यक्ष प्रवीण देशपांडे यांना पाठवला आणि आमची पहिली मिटिंग ठरली.
पहिल्याच मिटिंगमध्ये फोटो सर्कल सोसायटीची वेबसाईट सांभाळणाऱ्या संजय जाधव यांच्याशी अनेक तांत्रिक मुद्द्यांवर चर्चा करून काही मुद्दे स्पष्ट करुन टाकले. सगळ्यात पहिला मुद्दा हा की लेख पाठवणारा फोटोग्राफरच असला पाहिजे. फोटोग्राफी या विषयातल्या तांत्रिक मुद्द्यांवर असलेले लेख नको तर फोटो काढताना फोटोग्राफरचे विचार आणि अनुभव शब्दबद्ध करणारे लेख असावेत हे ठरले. तसंच सगळं काम आटोक्यात रहाण्यासाठी लेख फक्त निमंत्रित फोटोग्राफर्सकडूनच मागवायचे आणि दोन मुलाखती नक्की घ्यायच्या हे ही ठरले. तेव्हाच अंकासाठी कुठले तंत्रज्ञान वापरायचे इ. गोष्टीही ठरवल्या. नावासाठी आमच्याच ग्रुपकडून सजेशन्स मागवली आणि चार दिवसात निनावी प्रोजेक्टला एक नाव मिळालं 'फ' फोटोचा. प्रवीण देशपांडे यांनी सुचवलेले नाव सगळ्यांनाच आवडले आणि त्याच्या पुढच्या काही दिवसात आकृती माहिमकरने मस्तपैकी बोधचिन्हही करून दिले.
तिथून पुढे मुलाखती, लेखांसाठी, फोटोसाठी फॉलोअप, काही इंग्रजी लेखांचे भाषांतर, काही नवोदीत लेखकांसाठी लेखन सहाय्य, मुद्रितशोधन, फोटो निवड असे भरपूर काम सुरु झाले. माझ्या नेहेमीच्या ऑनलाईन मित्रमैत्रिणींसाठी मी जणूकाही गायबच झाले होते. खूप दिवसात कुणाशीच बोलणे नाही, मायबोलीवर, फेसबुकवर लॉगीन नाही ! ब्लॉगवर नवे लेखन नाही. बहुतेक जणांना वाटले असणार की मी भारतात येऊन ऑनलाईन व्हायचे विसरलेच.
या गेल्या तीन महिन्यात अनेक मान्यवर फोटोग्राफर्सना भेटले, त्यांच्याशी बोलले, खूप काही नवीन शिकले. एरवी मला यातल्या कुणालाच भेटता येण्याची काही शक्यता नव्हती, इतक्या कमी वेळात तर अजिबातच नाही. या सगळ्याच मान्यवर लोकांनी आम्हाला खूप सहकार्य केलं. सगळेच जण बोलायला इतके साधे आणि सरळ होते की त्यांच्याशी बोलणं हाच एक वेगळा अनुभव होता.
त्याही पुढचे पाऊल म्हणजे फोटो सर्कलचे कार्यकारिणी आणि सदस्य यांचे होते. त्या सगळ्यांनीच या कामासाठी प्रचंड सहकार्य केलेय. जाहिराती गोळा करण्यापासून ते मुद्रितशोधन केलेले लेख इकडून तिकडे पोहोचवण्यापर्यंत अनेक प्रकारची मदत त्यांनी केली. मुख्य म्हणजे मी तशी नवीन असूनही सगळ्यांनीच माझ्या कामावर आणि आमच्या टीमवर विश्वास ठेवला! त्या एकमेकांवरच्या विश्वासातून आणि सहकार्यातूनच आजचा आमचा 'फ' फोटोचा हा फोटोग्राफीला वाहिलेला पहिलावहिला मराठी दिवाळीअंक नावाजलेले प्रकाशचित्रकार श्री. शिरीष कराळे यांच्या हस्ते प्रकाशित झाला.
अजून एका उल्लेखाशिवाय हा लेख अपुरा राहील. तो म्हणजे मायबोली.कॉम हे संकेतस्थळ आणि तिथले व ब्लॉगवरचे माझे वाचक / लेखक मित्रमैत्रिणी. मी काहीतरी लिहायला सुरुवात केली याचं पूर्ण श्रेय त्यांना. मी लिहिलेलं मोडकंतोडकं सगळंच त्यांनी वाचून नेहेमी मला प्रोत्साहन दिलं आणि अजून लिहायला पाठबळ दिलं. त्यांच्यामुळेच हे वेगळे काम करण्याची हिम्मत मला मिळाली.
'फ' फोटोचा या दिवाळीअंकाचे पहिलेच वर्ष असल्याने अंकात काही चुका, दोष असतीलच, नव्हे आहेतच. पण त्या चुकांसहीत हा फोटोग्राफीला वाहिलेला पहिलावहिला मराठी दिवाळीअंक 'फ' फोटोचा तुम्हा रसिकांसाठी सादर आहे. फोटोग्राफी क्षेत्रातल्या एका नव्या व्यासपिठावर तुमचे सगळ्यांचेच स्वागत आहे.
सावली अभिनंदन. आता सावकाशीने
सावली अभिनंदन. आता सावकाशीने अंक वाचेन.
छान कल्पना. अॅड.
छान कल्पना. अॅड. शिरोडकरांची मुलाखत वाचली ,आवडली. pdf स्वरुपात अंक असताना कॉपिराईट्चे वॉटरमार्क्स टाळायला हवे होते.
मनापासुन अभिनंदन सावली. आणि
मनापासुन अभिनंदन सावली. आणि खूप खूप कौतुक.
अंक नक्की वाचणार>> +१
फावली.....फस्तच.....फ फोटोचा
फावली.....फस्तच.....फ फोटोचा फिदाली फंक.....फटकन फीडीएफ फितरवून फेतली फाणि फंगूनच फेलो फार्या फंकात.
~ अंकाची संकल्पना जितकी आगळीवेगळी तितकीच ती उत्साहाने प्रत्यक्षात अंमलात आणण्यासाठी तुम्ही आणि श्री.संजय नाईक यांच्या टीमने घेतलेले अथक कष्ट यांची जाणीव अंक पाहताना आली.....येत आहे.
प्रत्येक लेख आणि त्यासोबत असलेले फोटोज् पाहण्यात गेले दोन तास कसे गेले याचा फत्ताही लागला नाही. पूर्ण साहित्य वाचल्यानंतर अंकावरच थेट प्रतिक्रिया देण्याचा मानस आहे.
फरम्यानच्या फाळात तुम्ही स्वतःच 'फ' फिवाळी फीमला माझ्या या कमालीच्या सुंदर अंकाबद्दल फुभेच्छा कळवाव्यात ही फम्र फिनंती.
फन्यवाद.....[फाकृती फाहीमकर फांच्याफासून फूर्ती फेऊन....]
अशोक पाटील
फभिनंदन फावली !
फभिनंदन फावली !
सावली अभिनंदन.
सावली अभिनंदन.
वा सावली, कल्पकता व कॄती
वा सावली, कल्पकता व कॄती दोन्ही मस्तच
अरे वा ! मस्तच! अभिनंदन सावली
अरे वा ! मस्तच! अभिनंदन सावली आता निवांत बघेन, वाचेन .
लेख, प्रतिसाद काहीच वाचलेल
लेख, प्रतिसाद काहीच वाचलेल नाहिये वेळेअभावी.
हे फक्त शीर्षक पाहुन अतिशय आनंदाने दिलेली पोचपावती आहे.
वाचुन झालं की सांगेनच.
खूप खूप अभिनंदन आणि अनेक
खूप खूप अभिनंदन आणि अनेक शुभेच्छा
मी तर वाचीनच...पण फोटोग्राफीची आवड असणार्या सगळ्यांना नक्की वाचायला सांगीन.
खूपच वेगळी कल्पना! सावली,
खूपच वेगळी कल्पना! सावली, मनःपूर्वक अभिनंदन
अंक वाचून सांगेनच.
सावली, अभिनंदन. अंक नंतर
सावली, अभिनंदन.
अंक नंतर निवांत वाचेन.
हार्दिक अभिनंदन, सावली!
हार्दिक अभिनंदन, सावली!
अप्रतिम कल्पना!
सुंदर कल्पना... अभिनंदन
सुंदर कल्पना... अभिनंदन
सगळे फोटो छानच. पण आपल्या
सगळे फोटो छानच.
पण आपल्या झेंड्याच प्रतिबिंब पाण्यात पडलेला आणि रेल्वे track चा फोटो मस्त!!
सावली... हार्दिक अभिनंदन...
सावली... हार्दिक अभिनंदन...
अंक वाचून झाला की तिकडे प्रतिक्रिया देतोच....
मस्त! मस्त!! मनःपुर्वक
मस्त! मस्त!! मनःपुर्वक अभिनंदन
तुझे ईप्सित साध्य होवो अश्या शुभेच्छा!!
हार्दिक अभिनंदन सावली. अंक
हार्दिक अभिनंदन सावली. अंक नक्कीच वाचणार.
मस्त ! अभिनंदन सावली !
मस्त ! अभिनंदन सावली !
अभिनंदन सावली!!!
अभिनंदन सावली!!!
वाह अभिनव कल्पना, अभिनंदन !!!
वाह अभिनव कल्पना, अभिनंदन !!!
नाव आणि कव्हर मस्त आहे.. अंक
नाव आणि कव्हर मस्त आहे.. अंक सावकाश वाचेन.
मनापासून अभिनंदन.
एक नविनच विषयावर ,सुंदर
एक नविनच विषयावर ,सुंदर दिवाळी अंक.आगळी-वेगळी कल्पना आहे ही.मुखपृष्ठ आवडले.आता अंक वाचणार आणि पहाणार !!!फोटो पाहुन आमच्यासारख्या शिकाऊं च्या कल्पनांना खतपाणी मिळणार कि "ऐसा भी होता है !"सावली नितांत सुंदर "फोटो " बद्दल अभिनंदन..
ऊत्तम ऊपक्रम! अभिनंदन!
ऊत्तम ऊपक्रम! अभिनंदन!
अभिनंदन!
अभिनंदन!
सावली अभिनंदन.. या क्षेत्रात
सावली अभिनंदन.. या क्षेत्रात खरेच खुप सुंदर काम केले आहे. अंक अगदी संग्राह्य झालाय.
या माध्यमात तर तो जास्तच खुलून दिसतोय.
सावली, अंक मस्त झाला आहे.
सावली, अंक मस्त झाला आहे. कल्पना पण अभिनव.
कोणीतरी म्हंटल्याप्रमाणे बटबटीत कॉपीराईट चिन्ह मात्र काही ठिकाणी खूप खटकले.
अनेक ठिकाणी आस्पेक्ट रेशोसुद्धा बिघडल्या सारखा वाटला. पिडीएफ असल्याने ते सुधरवता देखील यायला हवे.
निदान विक्रीसाठी काही मुद्रीत अंक ठेवल्यास त्यावर कॉपीराईट चिन्ह नसावीत.
हे वार्षीक होवो ही सदिच्छा.
अत्ता नुसता चाळला अंक, सुंदर
अत्ता नुसता चाळला अंक, सुंदर आहे
अभिनंदन
अनेक धन्यवाद लोकहो. खरच वाचुन
अनेक धन्यवाद लोकहो.
खरच वाचुन इथे आणि तिथेही नक्की प्रतिसाद द्या. म्हणजे बाकी टिमलाही कळतील.
@अमित मोरे , पाटील, आश्चिग, हो वॉटरमार्क बद्दल लक्षात आले आहे. ते दुरुस्त करायचा प्रयत्न करणारच आहे. पण तोपर्यंत मायबोलीकर मित्रमैत्रिणींना अंकाबद्दल सांगितल्याशिवाय रहावेना.
दुसरे म्हणजे फोटो अनेक मान्यवर फोटोग्राफर्सकडुन घेतलेले असल्याने त्यांच्यासाठीतरी वॉटरमार्क असावाच असा एक विचार होता. ( तो जरा जास्तच ठळक झाला. ) आता तो पुसट करु किंवा खाली घेऊ.
@अशोक. , अरे वा! तुम्ही फ ची भाषा आत्मसात केलीत सुद्धा
फोटोग्राफीची आवड असणार्या सगळ्यांना >> फोटोग्राफीची आवड नसणार्यांनासुद्धा यात वाचण्यासारखे बरेच काही नक्की आहे.
अभिनंदन गं! वाचणार आहे नक्की.
अभिनंदन गं! वाचणार आहे नक्की.
Pages