जमिनीचा ८अ उतारा मिळवण्याबाबत माहिती हवी आहे

Submitted by निंबुडा on 1 November, 2012 - 02:45

माझ्या एका मैत्रिणीला तिच्या जमिनीचा ८अ उतारा पाहिजे - गाव - धामणी तालुका - आंबेगाव , गट number - १००१, १०१२. इंटरनेट वरून कसा शोधायचा?

शब्दखुणा: 
Group content visibility: 
Public - accessible to all site users

निंबुडा

ही माहिती नेट वर नाही. तलाठीच मदत करु शकेल. कारण आपल्या कडे ह्या ८अ, ७/१२ चे रेकॉर्ड खुप किचकट आहेत. त्यामुळे त्याचे नेटीकरण अजुन तरी झालेले नाही.

८अ मधे एका व्यक्तिच्या नावावर असलेले सगळे गट नं येतात. थोडक्यात ती एक खातेवहीच आहे. ८अ ऑनलाईन मिळणार नाही.

आपल्या नावावर एकूण कोणकोणत्या गटातील किती जमीन आहे हे दर्शविणारा गांव दप्तरातील नमुना म्हणजे 8अ चा उतारा होय. जमीन जर खरेदीची असेल तर, खरेदी तारखेनंतर घेतलेला 8अ चा उतारा फाईलला लावावा तसेच दरवर्षी शेतसारा भरल्यानंतर 8अ चा उतारा फाईलला लावावा. जमीन जर वडीलोपार्जित चालत असलेली असेल तर वडील हयात असतांना त्यांच्या नावावर एकूण किती जमीन होती व आजरोजी आपल्या नावावर किती जमीन आहे हे दाखविणारे दोन्ही 8अ चे उतारे प्राप्त करुन घेऊन फाईलला लावले पाहिजेत.

जर त्या तालुक्यात संगणीकीकरण झाले असेल तर खालील लिन्क पहा. सिन्धुदुर्ग चे झाले आहे. तालुका/ गाव निवडायचा.गट नं .द्यायचा.
www.mahabhulekh.maharashtra.gov.in

जर त्या तालुक्यात संगणीकीकरण झाले असेल तर खालील लिन्क पहा. सिन्धुदुर्ग चे झाले आहे. तालुका/ गाव निवडायचा.गट नं .द्यायचा.
www.mahabhulekh.maharashtra.gov.in>>> + १

ही साईट बरिचशी अपडेट आहे. मात्र नविन व्यवहार येथे यायला जरा अवधी लागतो.

७/१२ आणि ८ अ एकच की दोन्ही वेगवेगळे?? सॉरी मी ह्या विषयात अज्ञ आहे.
<<<<<<<<
७/१२ आणि ८अ वेगवेगळे आहेत.
संपूर्ण महाराष्ट्र राज्यात गावांतील महसूली माहिती ही, गांव नमुना क्र.१ ते २१ या नमुन्यांमध्ये ठेवली जाते. त्यातील ७ नंबरचा नमुना मालकीहक्काबाबतचा आहे तर १२ नंबरचा नमुना पिकासंबंधीचा आहे. या दोन्हींचा मिळून ७/१२ चा नमुना प्रस्तावित करण्यांत आला आहे.

८अ फक्त तलाठ्याकडेच मिळू शकेल. ऑनलाईन मिळत नाही.
+१

धन्यवाद लोक्स... Happy

मैत्रिण स्तिमितच झालीये इतक्या पटापट प्रतिसाद येताहेत हे पाहून! काही जण साईट वर मिळेल म्हणतायत तर काही म्हणताहेत नाही! Uhoh

असो, मी मैत्रिणीला त्या साईटवर चेक करायला सांगते. काम जरा अर्जंट आहे आणि तलाठी जागेवर नाहीये म्हणून नेटवरून झटपट काम होईल का ते पहायचे होते, असे तिचे म्हणणे आहे.

निंबुडातै आमच्या आंबेगाव तालुक्याचं महसूल रेकॉर्ड अजून तरी संगणकीकृत झालेले नाही.
त्यामुळे तलाठी किंवा मंडलाधिकारी याच्याकडून ८अ योग्य तो मोबदला देऊन मिळविणे हे श्रेयस्कर.

बर्‍याच घोषणा झाल्या. माझ्या मते इंटरनेटवर असा पर्याय नाही.
माझ वरील मत आज दोन महिन्यांनी बदलतो. www.mahabhulekh.maharashtra.gov.in ह्या साईटवर मला रत्नागिरी जिल्ह्यातील माझ्या वडीलांच्या नावाने असलेला ७/१२ बघता आला. प्रिंट घेता आली.

फक्त रत्नागिरी जिल्ह्यात नावाने ७/१२ शोधता येतो. अन्यत्र सर्व्हे नंबर शिवाय पहाता येत नाही. पुणे जिल्ह्यात तर सर्व्हे नंबरवर जमिनीचे स्वरुप दिसते पण मालकांची नावे दिसत नाहीत.