पाऊस...

Submitted by बयो on 9 August, 2012 - 06:53

पाऊस गच्च धारांचा
पाऊस कच्च झाडांचा
त्याच्या तिच्या मनातल्या
टपटप पागोळ्यांचा...

पाऊस अवखळ मनाचा
पाऊस अल्लड वयाचा
थेंबाथेंबातून नाचून
थरारलेल्या नभाचा...

पाऊस भिजल्या पापणीचा
पाऊस थकल्या डोळ्यांचा
वाट पाहता पाहता
निजल्या उदास रातीचा...

पाऊस चिंब रानाचा
पाऊस व्याकूळ प्राणाचा
दूरच्या गूढ वाटेसारखा
माझाही एकटेपणाचा...
-स्मिता

विषय: 
Group content visibility: 
Public - accessible to all site users

धन्यवाद सुधाकर, रीया, वैभव, अमित, योगुली, दाद.
नेट गडबडीमुळे दोनदा प्रकाशित झाली. कशी डिलीटू एक कविता, कुणी सांगेल काय मजला?

छानच!
बयो म्हटल्यावर धावत आलो. मी धाकट्या बहीणीला लाडाने बयो म्हणतो.