माध्यम प्रायोजक उपक्रमासाठी स्वयंसेवक हवेत

Submitted by admin on 9 August, 2012 - 01:06

गेल्या वर्षीपासून मायबोली.कॉमने मराठी चित्रपटांचं माध्यम प्रायोजकत्व स्वीकारण्यास सुरुवात केली आहे. या उपक्रमाअंतर्गत आपण ’देऊळ’, ’जन गण मन’, ’पाऊलवाट’, ’हा भारत माझा’, ’चिंटू’, ’मसाला’ या चित्रपटांची ऑनलाइन प्रसिद्धी केली. यापुढेही हा उपक्रम सुरूच राहणार असून ’संहिता’, ’कुटुंब’ या व अशा काही दर्जेदार चित्रपटांचे माध्यम प्रायोजक म्हणून आपण काम पाहणार आहोत आणि त्यासाठी काही स्वयंसेवकाची आवश्यकता आहे.

चित्रपटाशी संबंधित तंत्रज्ञ व कलाकारांच्या (प्रत्यक्ष भेटून अथवा फोनवरून) मुलाखती घेणे, मुलाखतींचं शब्दांकन करणे, स्पर्धा / खेळ आयोजित करणे, घोषणा लिहिणे अशी कामं माध्यम प्रायोजक करतात. माध्यम प्रायोजक ग्रुपात सहभागी होण्यासाठी तुम्ही भारतातच असला पाहिजेत, अशी अट नाही.

माध्यम प्रायोजक ग्रुपात सहभागी होण्याची इच्छा असल्यास कृपया इथे आपली नावं नोंदवा. प्रत्येक चित्रपटासाठी आपण वेगळा ग्रूप तयार करतो. त्यामुळे आवश्यकतेनुसार तुमच्याशी संपर्क साधला जाईल.

विषय: 
उपक्रम
चित्रपट
Groups audience: 
मायबोली स्वयंसेवक
Group content visibility: 
Public - accessible to all site users
शेअर करा

मलाही आवडेल यात सहभागी व्हायला.
चित्रपटाशी संबंधित तंत्रज्ञ व कलाकारांच्या (प्रत्यक्ष भेटून अथवा फोनवरून) मुलाखती घेणे, मुलाखतींचं शब्दांकन करणे, घोषणा लिहिणे यात काम करू शकेन असे वाटते.

Submitted by अवल on 9 August, 2012 - 02:47

चित्रपटाशी संबंधित तंत्रज्ञ व कलाकारांच्या (प्रत्यक्ष भेटून अथवा फोनवरून) मुलाखती घेणे, मुलाखतींचं शब्दांकन करणे>>>> हे कित्येक वर्षं केलेले आहे. किनार्‍याच्या दोन्ही बाजूकडून (जर्नालिस्ट आणि पीआरओ) म्हणून काम केलेले आहे. मायबोलीसाठी मदत करायला आवडेल.

Submitted by नंदिनी on 9 August, 2012 - 07:32

मी टू!

स्वयंसेवक म्हणून वेळेचं काय बंधन असेल? म्हणजे गणेशोत्सव, दिवाळी अंक ह्यात कामाची शेवटची तारीख साधारण नक्की असते तसं ह्याला काही आहे का?

Submitted by सशल on 9 August, 2012 - 12:05

स्वयंसेवक म्हणून वेळेचं काय बंधन असेल? >>

एका चित्रपटासाठी कालावधी साधारणपणे ४ ते ५ आठवडे असेल. प्रदर्शीत व्हायच्या आधी ३ आठवडे आणि नंतर २. पण मुख्य काम चित्रपट प्रदर्शीत व्हायच्या आधी ८-१० दिवस असेल. अर्थात याला काही अपवाद असू शकतात, जसे अनेकदा चित्रपट प्रदर्शित होण्याआधी विविध चित्रपटमहोत्सवांमध्ये दाखवले जातात. अशावेळी हा कालावधी लांबू शकतो.पण त्यात कालावधी वाढला तरी कामाचं स्वरूप त्याच प्रमाणात वाढेल असं नाही.

Submitted by admin on 9 August, 2012 - 13:41

लैच लाईन दिसत्ये हितं... आमच्या लायकिचं काय असलं तर सांगा अ‍ॅडमिन/उपक्रम संचालक. आवडेल हे काम.

Submitted by नतद्रष्ट on 10 August, 2012 - 05:27