मूगवड्याची भाजी

Submitted by मंजूताई on 7 May, 2012 - 02:27
प्रत्यक्षात लागणारा वेळ: 
३० मिनिटे
लागणारे जिन्नस: 

अर्धी वाटी मूगवड्या, वाटण (२ कांदे, ५-६ पाकळ्या लसूण, अर्धी वाटी किसलेलं सूक खोबरं, अर्धा चमचा जिरे), चवीनुसार मीठ, तिखट, पाव छोटा चमचा गरम मसाला (लवंग, दालचिनी, काळेमिरेची बारीक पूड) २ मोठे चमचे फोडणीसाठी तेल, सजावटीसाठी कोथिंबीर
http://farm8.staticflickr.com/7089/7005330462_650219b118.jpg"
width="360"

क्रमवार पाककृती: 

कृती: कढईत मूगवड्या बारीक करुन थोड्या तेलात परतून घ्या. त्याच कढईत तेल टाका. तेल गरम झाल्यावर वाटलेला मसाला टाकून तेल सुटपर्यंत चांगले परतून घ्या. त्यात परतलेल्या मूगवड्या व गरम मसाला व तिखट टाका. थोडे परतल्यावर तीन वाट्या पाणी टाकून मंद आचेवर शिजू द्या. शिजत आल्यावर मीठ टाकावे. कोथिंबीर टाकून सजवावे. कोण्त्याही भाकरी बरोबर ही भाजी छान लागते.
7123957935_9631955225_m.jpg

वाढणी/प्रमाण: 
आवडीनुसार
अधिक टिपा: 

काही नाही

माहितीचा स्रोत: 
बहीण
पाककृती प्रकार: 
प्रादेशिक: 
शब्दखुणा: 
Group content visibility: 
Public - accessible to all site users

अगदी योग्य वेळी दिलीस ही रेसिपी, मंजूडी. दोनच दिवसांपूर्वी बहिणीनं मूगवड्या पाठवल्यात. आता करीन. धन्यवाद. Happy

पिहू, मूगाची डाळ ५-६ तास भिजवायची उपसून जाडसर वाटावी. त्यात थोडेसे मीठ ऐच्छीक मसाले - धने/कोथिंबीर, जीरे वाटताना घालावे. छोट्या हाताने/कोन करुन(मेंदी) वड्या घालाव्या. कडकडीत उन्हात वाळवाव्या. वर्षभर टिकतात. फार कष्टाचे काम नाही. करुन बघायला हरत नाही. वड्या घालायचा कंटाळा आलातर वाटलेल्या डाळीचे मुंगपकोडे किंवा डोसे करावे मी जरा डाळ जास्तच भिजत घालते त्यादिवशीच्या नास्त्याची सोय होते.

मला मूगवड्या इंग्रो मध्ये दिसल्या परवाच त्यामुळे लगेच एक पाकीट घेतल्या. आता ही भाजी करून पाहीन.

मंजु तै मस्तच....भाजी....

ह्या रविवारीच मी ही भाजी केली होती Happy

येस्स्स. माझ्या माहेरी हा आवडता प्रकार आहे. पण मला विशेष कधी आवडला नाही. Sad
घरी याचा अपभ्रंशित उच्चार "मुगोडे" असा आहे. ते मूळात मूगवडे आहे हे आताच कळलं Happy

sandgyachi bhaaji.jpg

काल केलि ही भाजी, मुगाच्या वड्या ऐवजी सांड्गे वापरले (दोन्हीत काही फरक आहे का माहीत नाही). पण मस्त झाली होती - रेसीपी बद्दल धन्स.....

मंजुताई, लिंकसाठी आभारी आहे. पुढच्या आठवड्यात करून पाहीन. अजून सांडगे बनवण्यापासून सुरुवात आहे. पण तुम्ही उत्साहाने लिंक दिल्यामुळे मला पण करायचा धीर आणि उत्साह आला आहे. Happy

आमच्याकडे म्हणजे माहेरी मिक्स डाळींचे किंवा फक्त चनाडळीचे वडे करतात. सासर वैदर्भीय असल्यामुळे ह्या मुगवड्या पहिल्यांदा खाल्ल्या. मुगाच्या असल्यामुळे अंगची चव विशेष नसते फार. एका नातेवाईकांकडे नंतर खाल्ल्या त्यांनी वर सांगितल्याप्रमाणे व्यवस्थित तळून आणि शिजवून घेतल्या नसाव्यात. नवऱ्याला आणि मला जुलाबाचा प्रचंड त्रास झाला. बारीक तुकडे करून तळणे आणि नीट शिजवून करावे.

धन्यवाद मंजुताई.... रेसिपी सोपी व एक चांगला पर्याय वाटते आहे. नक्की करणार. आधी मुगवडी करावी लागेल पण. कडक ऊन पडण्याची वाट बघत आहे. Happy