तुझे कुठेतरी गुपचुप उद्योग चाललेले असतात.
मी तुला हळूच येऊन पकडते आणि मोठ्ठा पापा घेऊन म्हणते , "अरे सशा, तुला एक खूप महत्त्वाचं सांगायचं होतं रे.." तुझे मोठे डोळे अजूनच मोठे करत तू म्हणतोस,"काय ग आई?" "अरे , तू मला खूप म्हणजे खूप म्हणजे खूप आवडतोस ..." हे ऐकलं की तू खुश होतोस. तुला माहीत असतं की आई महत्त्वाचं असं काय सांगणार आहे . माझं हे वाक्यही तुला माहीत असतं. पण तरीही तुला ते ऐकायला फार आवडतं आणि मला तुला ते सांगायला...!
तुझ्या अतिशय महत्त्वाच्या उद्योगात कोणी मध्ये मध्ये केलेलं तुला आवडत नाही. मग कुंडीत झाड लावण्याच्या नावाखाली घरभर चिखल करण्याचे मस्त काम असो, किंवा सार्या डबे अन् भांड्यांना स्वयंपाकघरातून गाडीत भरून घराची सैर करायचे लोकोपयोगी काम असो, तू ते अतिशय मनापासून करतोस. शेकडो खेळणी असली तरी आजोबांच्या कपाटातून त्यांच्या वस्तुंशी खेळण्यात काय मजा असते ते तुलाच माहीत!
"आदी, आधी तो कॅमरा माझ्याकडे दे. तू अजून लहान आहेस, ही काही लहान मुलांच्या खेळण्याची गोष्ट नाहीय" असा दम मी तुला भरताना तुझे डोळे अजून तिसरीच मजा शोधण्यात गुंतलेले असतात.
दिवसातून कितीतरी वेळा मला तुझ्यावर रागावावं लागतं...कधी खरं खरं सुद्धा!
पण बूंबूंबाचं गाणं ऐकून आपले पिटूकले हात माझ्या गळ्याभोवती टाकून भल्या मोठ्या डोळ्याटली भीती लपवत, जेव्हा तू मला निरागसतेनं विचारतोस,"आई मी खूप खोड्या काढतो का ग? मला बूंबूंबा पकडून नेईल का ग?" तेव्हा मला खूप मजा वाटते. तुला जवळ घेऊन तुझा पापा घेता मी म्हणते "नाही रे माझ्या सशा" मग तुझा जीव भांड्यात पडतो आणि नव्या जोमाने तू तुझ्या उद्योगांना सुरूवात करतोस.
बाबा पेंटिंग करायला बसला की मग मात्र ठरवून ही मी तुला रागाऊ शकत नाही. "मीही बाबासारखा आर्टिस्ट होणार" असं जाहीर करून तूही रंग-रेषांत रमलास की मग तू चितारलेल्या भिंतीही मला कलेचा सुरेख अविष्कार वाटू लागतात.
तुझ्या शाळेतल्या, व्हानमधल्या, मित्रांच्या गमती ऐकून मला असं अनेकदा वाटून जातं, हळूच येऊन लपून तू हे सारं कसं करत असतोस ते बघत राहावं.
"आजी, तुझे पाय दुखतायत का ग?", ..."आजोबा, तुम्ही दमलात का हो? " असं विचारताना तुझ्या डोळ्यात दाटणारी आपुलकी माझ्याही डोळ्यात पाणी आणते.
"मी आता फाईव ईयर्सचा म्होटा झालोय" असं तू म्हणालस की मात्र एरवी 'हा मुलगा कधी स्वतःच्या गोष्टी स्वतः करणार?' असं दिवसातून पाच वेळा म्हणणारी मी एकदम बावरते. मग आत्ता "आई, आपल्या दोघांची टीम आहे हां " असं म्हणणारा, तुझ्या सार्या 'महत्त्वाच्या' कामांत मलाही घेणारा, "आई,आज लवकर ये ग, मला तुझ्याशिवाय करमत नाहीये" असं म्हणणारा तू मित्रांच्या, शाळा-कॉलेजच्या वेगळ्या विश्वात रमलेला मला दिसायला लागतोस. क्षणभर हे सारं वाटून जातं.....
तेवढ्यात तू येऊन म्हणतोस, "आई, चल मस्ती करू।" तुझ्याबरोबरच बेडवर उड्या मारताना आणि उशांनी तुला 'धुताना' मी एकदम गंभीर होते. हसता हसता तूही एकदम शांत होतोस. तुला घट्ट धरत मी म्हणते " अरे सशा, पण एक महत्त्वाची गोष्ट तुला सांगायची राहिलीच की रे..." तुझ्या चेहऱ्यावर हळूच हसू फुटतं. ते लपवायचा प्रयत्न करत तू म्हणतोस," काय ग आई?" " अरे, तू मला खूप म्हणजे खूप म्हणजे खूप आवडतोस." माझ्याबरोबर तूही म्हणतोस आणि आपण दोघं धो धो हसत सुटतो.
मस्त लिहिलय एकदम. मी ही रिलेट
मस्त लिहिलय एकदम. मी ही रिलेट करु शकले
खूप मस्त आवडल
खूप मस्त आवडल
भारीच.. मी पण माझ्या मुलाला
भारीच..
मी पण माझ्या मुलाला ससा च म्हणते.. >>>>>
मायबोली वर सगळे समविचारी ससे आलेत की काय ? मी पण माझ्या मुलीला ससा म्हणायचे. खुप गुबगुबीत होती ना!!!
खुपच मस्त लिहिलं आहे. मला मनापासुन आवडलं.
कित्ती गोड.
कित्ती गोड.
Hehe archit sasha sarkha
Hehe archit sasha sarkha goray mhanun mi sasulya mhante tyala
गोड्ड्म. खुप रीलेट झालं
गोड्ड्म. खुप रीलेट झालं
मला हे खुप खुप आवडले
मला हे खुप खुप आवडले
एकदम पटले.. आमच्या घरिही हाच
एकदम पटले.. आमच्या घरिही हाच संवाद दर १-२ तासानी होतो !! आणी खूप खूप ची संख्या त्या त्या वेळच्या मूड प्रमाणे वाढत जाते..
गोड लिहिलय अगदी, आमच्याकडे पण
गोड लिहिलय अगदी, आमच्याकडे पण असतो असाच संवाद दिवसातून किती तरी वेळा
(No subject)
खूपच छान!
खूपच छान!
खूप खूप खूप गोडुलं
खूप खूप खूप गोडुलं लिहीलंय...
माझ्या मुलाला मी ससुली म्हणते... तो काही गुबगुबीत नाहीये फारसा पण भित्री भागूबाई आहे १दम!
आता कुठे ३ महिन्यांचा झालाय. त्याच्या गालाला गाल लावून म्हटलं, "तू मला इत्का इत्का इत्का आवल्तोश ना गोंड्या" की बोळंकं पसरून हसतो... ही महत्वाची गोष्ट सांगण्याएवढा आणि समजण्याएवढा मोठा कधी होतोय त्याची वाट बघतेय.
खूप आवडलं, छानच लिहीलंय
खूप आवडलं, छानच लिहीलंय
आमची मात्र म्याव आहे. तरी ही
आमची मात्र म्याव आहे.
तरी ही सीन मात्र हाच ....
कस्लं गोड्ड्ड्ड लिहिलय...
कस्लं गोड्ड्ड्ड लिहिलय...
अगदी ग्गोग्गोडच लिहिलंय!
अगदी ग्गोग्गोडच लिहिलंय!
गोडुलं..........
गोडुलं..........
खरच खुप गोड...... सावरी
खरच खुप गोड......
सावरी
खुप गोड
खुप गोड
गोड लिहिलयेस ड्रिमगर्लचा
गोड लिहिलयेस

ड्रिमगर्लचा प्रतिसादही खुप गोड
खूप गोड आहे हे.. आमच्याकडे
खूप गोड आहे हे..
आमच्याकडे पण सशुल्या गडी आहे!! आणि आईला बिग हग देऊन तिच्याकडून आय लव्ह यु म्हणवून घ्यायला पण त्याला खूप आवडते!! 
बायदवे, हे आधी वाचल्यासारखे का वाटतय मला?! आय मिन एप्रिलच्याही आधी?!
सगळ्या म्याव अन ससुल्यांच्या
सगळ्या म्याव अन ससुल्यांच्या आई-बाबांनो आणि सगळ्याच वाचकांनो खूप खूप आभार!

बस्के, अग मी तर हे इथेच पहिल्यांदा प्रकाशित केलेय...
ओह, सॉरी. बहुतेक माझ्याकडे
ओह, सॉरी.

बहुतेक माझ्याकडे एप्रिल ते ऑगस्ट हा काळ फारच युगे लोटली असं वाटण्याइतपत लांब गेलाय.
खुपच गोड ....
खुपच गोड ....
खुप खुप गोंडुस लिहल आहे
खुप खुप गोंडुस लिहल आहे
आवडल 
माझी वहिनी आठवली,छोट्याशा
माझी वहिनी आठवली,छोट्याशा भाच्याला 'योहान यू आर द बेस्ट इन धिस बिग बिग वर्ल्ड 'असं वारंवार सांगणारी..खूप गोड लिहिलं आहेस अमेलिया.
खूप गोड लिहिलं आहे.
खूप गोड लिहिलं आहे.
(No subject)
वॉव लिहिलेय !!
वॉव लिहिलेय !!
(No subject)
Pages