लोकेशन रे लोकेशन !

Submitted by मनीषा- on 15 February, 2012 - 11:32

लोकेशन रे लोकेशन !
हिंदी सिनेमा मधली गाणी म्हणजे आवडीची गोष्ट एकदम . त्यातून ती ५०-६०-७० च्या दशकातली म्हणजे तर गाणे दहा वेळा बघितले असले तरी नजर जराही हटायला तयार होत नाही .
स्टुडीओच्याबाहेर चित्रण झालेली , काही गाणी बघताना एकदम जाणवले की अरे हे मागे दिसते आहे ते तर आपण पाहिलं आहे . आणि मग सुरु झाला एक वेडगळ छंद , ज्यात गाण्यापेक्षा, हिरो आणि हिरविणीपेक्षा, मागच्या इमारती , बागा वगैरे निरखून बघण्याचा .

अशीच काही नमुने दाखल गाणी तुमच्या साठी . आपल्या ओळखीच्या ऐतिहासिक स्थळा ची एक चक्कर घडवून आणणारी ..
1. तुमने किसीकी जान को जाते हुवे देखा ही – राजकुमार – शम्मी कपूर आणि साधना हे ज्या शिल्पांनी नटलेल्या प्रांगणमधून फिरतात ते महाबलीपुरम इथले पंच रथ हे ठिकाण . तिथल्या एकपाषाणी हत्तीवर बसून शम्मी साधनाला विनवतोय हे दृश्य बघून अंमळ मजा वाटली . पंच रथ हा एकपाषाणी मंदीर व शिल्पांचा एक मोठा समूह आहे . हा अजुन एका मनोजकुमार च्या गाण्यात आहे. गाणे सापडले की लिहिते.

2. मै तुझसे मिलने आई मंदिर जाने के बहाने – सुनील दत्त व आशा पारेख – उदयपूरच्या सहेलीयोकी बाडी मध्ये बागडत आहेत

3. चला भी आ आजा रसिया - मन की आंखे - वहिदा रेहमान – काश्मीर मधले मार्तंड मंदीर/ अवंतीस्वामी मंदीर ( जाणकारांनी खुलासा करावा) . तिथल्या हिरवळीवरून दुख्खी चेहर्याने फिरणाऱ्या वहिदा रेहमान मुळे निदान तो प्राकार तरी आपल्याला नीट दिसतो.

४. ओ मेरे राजा - जॉनी मेरा नाम मध्ये - नालंदा विद्यापीठाचे भग्नावशेष दिसतात. देव आनंद, हेमा आणि जगदीश राज ह्यांच्या मधुन विद्यापीठीय आवारामधले विहार आणि स्तूप डोकावत आहेत.

५. काटोंसे खीचके ये आंचल - गाईड - चित्तौरगडाचे व त्यात ही विजय स्तंभांचे दर्शन घडते आहे. आणि त्यानंतर राणी पद्मिनी च्या महालाचे

काश्मीर मधील निशांत, शालिमार व चष्मे-शाही बागा तर अनंतवेळा पार्श्वभूमी म्हणुन वापरल्या गेल्या आहेत.
तुम्हाला आठवताहेत का अशा काही जागा आणि अशी काही गाणी?

विषय: 
भटकंती
चित्रपट
Groups audience: 
चित्रपट
Group content visibility: 
Public - accessible to all site users

वा छान धागा... हम है राही प्यार के.. घुअ‍ॅघट की आड से दिलबर का... कुठला राजवाडा आहे की तो सेट आहे?

Submitted by जागोमोहनप्यारे on 15 February, 2012 - 11:36

मैसूरचं वृंदावन गार्डनही बर्‍याच गाण्यांत दिसलं आहे. झनक झनक, पडोसन ही पटकन आठवणारी नावं.
मुंबईचं बाबुलनाथ मंदिर परिंदामधल्या 'तुम से मिलके' गाण्यात आहे.

Submitted by स्वाती_आंबोळे on 15 February, 2012 - 11:44

सुंदर धागा...

रेश्मा और शेरा मधलं हे एक सुंदर काव्य. लताबाईंचा सुर, जयदेव यांचं संगीत आणि वाळ्वंटातील डुन्सच्या सौंदर्याचा अनोखा मिलाप!

http://www.youtube.com/watch?v=s3W8UyFR0hQ

Submitted by राज on 15 February, 2012 - 12:00

हे काय, कुणाला गाणी आठवतच नाहीयेत वाटतं !

जागोमोहन, त्य गाण्यात राजस्थान मधले हेरिटेज हॉटेल असावे असे वाटते.
स्वाती, बाबुलनाथ मंदीर दिसलेच नाही ग...

Submitted by मनीषा- on 16 February, 2012 - 12:03

लक्ष्मीकांत बेर्डे आणि अशोक सराफ यांच्या बर्‍याच चित्रपटात दिसणारी छोटा काश्मीर बाग, मला वाटत धर्मेंद्र, अमिताभ, शर्मिला टागोर यांच्या चुपके चुपके मधे पण दिसली आहे Happy Happy Happy

Submitted by रायबागान on 16 February, 2012 - 23:51

देव आनंदचं " तु कहां ये बता, इस नशिली रात में" हे मसुरीच्या रस्त्यांवर चित्रीत झालय.
शम्मी कपुरच्या बर्‍याचशा गाण्यात गुलमर्ग, नैनिताल, शिमला चं शुटींग आहे.

Submitted by मी_आर्या on 17 February, 2012 - 00:27

पुण्यातले बंडगार्डन.. शम्मी कपूरचं एक गाणं...

टेबललॅण्डवरपण बरीच गाणी झालीयेत... राजा हिंदुस्थानी मधलं एक गाणं...

विजयपथ मधलं गाणं भंडारदर्‍याच्या रंधा फॉल्स च्या इथे...

Submitted by हिम्सकूल on 16 March, 2012 - 05:43

हम है राही प्यार के.. घुअ‍ॅघट की आड से दिलबर का... कुठला राजवाडा आहे की तो सेट आहे?- उदयपूरचा सिटी पॅलेस.

Submitted by अश्विनी डोंगरे on 16 March, 2012 - 05:47

जागो, तो जैसलमेरचा पॅलेस आहे.
अजून एक फेमस राजस्थानी लोकेशन, गाईड मधला चित्तोडगड.
भालजींच्या अनेक सिनेमांचे शुटींग पन्हाळ्याला झाले आहे उदा. 'मराठी पाउल पडते पुढे' हे गाणे पन्हाळ्याच्या तीन दरवाजा भागाचे आहे. महेश कोठारेच्या सिनेमातही पन्हाळा डोकावतो.
बनवाबनवी मधले 'विश्वास सरपोतदारांचे' घर नक्की कुठे आहे? तो सेट वाटत नाही.

Submitted by लसावि on 16 March, 2012 - 05:50

बांग्लादेशातील चितगाव येथिल स्वातंत्र्य पुर्व काळातील घटनेवर आधारीत आशुतोश गोवारीकरचा 'खेले हम जी जान से' चे पुर्ण शुटिंग हे सावंतवाडीचा राजवाडा आणि आजुबाजुच्या परिसरात झाले आहे.. Happy

Submitted by सतिश.. on 16 March, 2012 - 06:10

सरफरोश मधले 'जो हाल दिल का' का काय ते गाणे पन्हाळ्याच्या आसपास चित्रित केले गेले आहे.

Submitted by विजय दिनकर पाटील on 16 March, 2012 - 06:12

बनवाबनवी मधले 'विश्वास सरपोतदारांचे' घर नक्की कुठे आहे? >>> त्या चित्रपटाच बरचसं शुटींग पुण्यात झाल होत ना?

महेश कोठारेच्या सिनेमातही पन्हाळा डोकावतो.>> विशेषतः पॅरेडी गाण्यात.
आम्ही मावशीच्या गावाला जाताना मग एकमेकाना सांगत असायचो हे बघ त्या गाण्यातली छत्री... Happy

Submitted by झकासराव on 16 March, 2012 - 06:39

'स्वदेस' मधलं 'यूंही चलाचल' गाणं सुद्धा वाई मध्ये चित्रीत झालंय. गाण्यामध्ये कमळगड एक-दोनदा दर्शन देऊन जातो.

Submitted by वैनिल on 16 March, 2012 - 06:52

तरकीब चित्रपटातलं तब्बू आणि मिलिंद सोमणचं ' किसका चेहरा अब मै देखू' हे नितांत सुंदर गाणं मध्यप्रदेशातील पंचमढीत शूट केलय... सुंदर जागा आहे ती पण फेमस नाहीय.

अशोका चित्रपटातलं 'सन सनन सन सनन' सुद्धा पंचमढीतील एका धबधब्यात शूट केलय.

Submitted by मी अमि on 16 March, 2012 - 07:24

देख एक ख्वाब तो ... हे हॉलंडच्या कुकेन्हॉफ ट्युलिपच्या मळ्यात चित्रीत केले आहे.

Submitted by mbhure on 16 March, 2012 - 18:14