अ‍ॅपल पाय - एक प्रयत्न

या वेळेस नविन वर्षाच्या स्वागतासाठी अ‍ॅपल पाय करुन पहावे असे ठरवले. त्याला कारण म्हणजे अ‍ॅल्टन ब्राउनची टिव्ही/इंटरनेट वरची रेसिपी व ऑफिसमधे त्यावर झालेली चर्चा आणि त्याबद्दल सहकार्‍यांनी दिलेले प्रोत्साहन.

अ‍ॅल्टन ब्राउनची रेसिपी ईथे मिळेल. तिच पाककृती वापरली असल्यामुळे नेह्मीच्या विभागात न देता प्रत्यक्ष पाय बनविताना आलेले अनुभव, केलेले बदल लिहावेत असे वाटले व त्याबरोबर काही प्रकाशचित्रे टाकली आहेत.

ताजी सफरचंद : ग्रॅनी स्मिथ, ब्रेबर्न, रेड डिलीशिअस व ह्नीक्रिस्प्(डावीकडून उजवीकडे)

सफरचंदांची सालं काढून त्याच्या फोडी केल्या. अ‍ॅपल कोअरर वापरुन

त्यावर साखर, अ‍ॅपल जेली, सायडर घालून मिसळ्ले.

टार्ट पॅनमध्ये पाय क्रस्ट्चा खालचा भाग ठेवून त्यावर सर्व फोडी रचल्या.

क्रस्ट्चा वरचा भाग त्यावर लावून पाय ओव्ह्नमधे जाण्यासाठी सज्ज

त्यापुर्वी शेवटचे काम - क्रस्टवर ग्लेझचा हलकासा थर दिला.

ओव्ह्नमधून नुकताच बाहेर काढलेला पाय.

ह्यानंतर शेवटची सगळ्यात अवघड कृती - किमान ४ तास वाट पहाणे, जेणेकरुन खालील चित्रात दाखविल्याप्रमाणे थंड झाल्यावर पॅनमधून सहज काढता येईल.

चवीला पण चांगला झाला होता असे वाटते, कारण २४ तासांत संपला.