तुझ्या सवे......

Submitted by atulgupte on 18 May, 2011 - 00:46

वाटते तुझ्या सवे
या चांदण्यात निथळावे
तुझ्या सवे या दवात
आज, तर्ळावे तर्ळावे

वाटते तुझ्या सवे
या वनात धुंध विहारावे
धुंदावूनी मस्तीत आज
तुझ्या सवे हरवावे हरवावे

झेलुनी क्षण हे सुखाचे
जपुनी दिन हे प्रीतीचे
वाटते तुझ्या सवे या
स्वप्नात, लहरावे लहरावे

गंध प्रीतीचा आपल्या
फुला फुलातुनी बहरावा
वाटते तुझ्या सवे ही
कळी प्रीतीची फुलवावी फुलवावी

गुलमोहर: 
कविता
शब्दखुणा: 
अतुल गुप्ते कलवा
शेअर करा