हे सर्व कोठून येते

Submitted by नीधप on 8 May, 2011 - 11:19

जुनीच आहे. आतल्यासहित माणूस मधे होती.
----------------------------------
खोल खोल आत रूतलेली
बेडकाच्या जिभेसारखी बाहेर येणारी
कुठली ही भिती!

दुबकत्या पावलांनी येऊन
हिडीस हातांनी गळा आवळणारी
कसली ही कळ!

मेंदूच्या चिंधड्या उडवणारा
अदृश्यपणे आयुष्य थिजवणारा
कुठून होतो वार!

विकृत उबळीसरशी
साचलेलं खरकटं ओकणारा
कुठून येतो तिरस्कार!

जिवंतपणाची खूण असलेला
उरापोटी धपधपत चालणारा
का अचानक अडकतो श्वास!

- नी

गुलमोहर: 
कविता
शब्दखुणा: 
भिती
कळ
शेअर करा

...!

Submitted by मी मुक्ता.. on 8 May, 2011 - 13:20