झट्पट स्वादिष्ट ग्रीन बीन्सची भाजी ( हिरव्या शेंगा: फरसबी वगैरे)

धणे घातल्याने वेगळीच छान चव येईल असं वाटतंय. गरम फुलक्यांबरोबर मस्त लागेल ही भाजी. नक्की करुन बघणार

मी पण धने घालुन करुन बघेन. वेगळी चव येइल.
मी फरसबी वाफेवरच शिजवते पण फोडणी वर चिरलेली फरसबी टाकली की त्यात (खोबर, कोथिंबीर,मिरची आणि लिंबु) वाटुन घालते. मग साखर आणी मिठ. कधी कधी कांदा पण छान लागतो.

धणे नुसते चुरडून त्याची सालं तोंडात लागणार नाहीत का?

सायो, मी टोस्ट सँडविच/ पफ पेस्ट्रीचे पॅटीस करताना बटाट्याच्या भाजीत नेहेमी असे भरडलेले धणे घालते. खूप छान चव येते आणि तोंडात येत नाहीत.

यात एक वेगळी फोड्णी म्हणजे दक्षिणी. उडीद डाळ, मोहरी, लाल मिरच्या कढिपता व हिंग.
गाजर बारीक तुकडे व बीन्स वरून ओले खोबरे एक व्हेरिएशन. कोथिंबीर मस्ट.

खरेच लाइट व गरम गरम जबरदस्त लागते. पोळी रॅप.
बरोबर गरम भात, रसम व कसलीतरी दक्षिणी चट्णी पण भारी.

माझा नवरा बर्‍याच फोडण्यांमध्ये हातावर चुरडलेले धणे घालतो.

बीन्स ज्या भाजीत भरडलेला ओवा पण मस्त लागतो .

वा छान. तसेही अख्खे धणे फारसे वापरले जात नाहित आपल्याकडे. आणि या नाजूक भाज्यांना फार मसाले पण चांगले नाही लागत.

वा मस्त. मी करुन बघतो नक्की.

एकदम सोप्पी आहे गं कृती आर्च, नक्की करुन बघणार.

वा छान सोपी आहे पद्धत ..

काल केली ही भाजी. पोळीबरोबर एकदम मस्त लागते. झटपट झाली !

दोन्ही कृती मस्त वाटताहेत आर्च व सोप्या पण. पहिली तर आजच करणार आहे.

आर्च, दुसर्‍या व्हेरिएशन प्रमाणे मी करते.
फरसबी आडवी चिरुन कुकरला वाफवून घ्यायची. ओलं खोबरं, कोथिंबीर, मिरच्या, मीठ मिक्सरला फिरवून घ्यायचं नी वाफवलेल्या फरसबीत घालायचं. हिंग, हळ्द, मोहरी, जिर्‍याची फोडणी करुन भाजीत घालायची. वरुन थोडं लिंबू पिळायचं.

मी आज ह्या पदध्तीने गवारीची भाजी केली होती. छान झाली होती. गवार गूळ किंवा साखरेच्या चवीशिवाय मला नको वाटते म्हणून साखर घातली चवीपुरती.
आर्च, खूप दिवसांनी रेसिपी लिहिलीस.

आर्च, मी केली. पण भाजी होत आल्यावर कळले, लिंबुच नव्हते घरात. मग आमचुर पावडर टाकली. पण तरी छान झाली. धण्याची चव छान येते. लिंबाने तर अजुन छान होत असेल.

ओले खोबरे + हिर्वी मिरची वाटुन लावलेली फरसबीची ही भाजी मी साबांच्या मैत्रिणीकडे खाल्ली. त्यांच्या हातालाच चव असली पाहीजे, कारण मी तशी दोनदा करण्याचा प्रयत्न केला, पण ती चव आलीच नाही.

पण खोबरे चव घालुन मला फार आवडते ही भाजी. छान रेसेपी आहे, अश्या पद्धतीने करणार आता.

त्यांच्या हातालाच चव असली पाहीजे, कारण मी तशी दोनदा करण्याचा प्रयत्न केला, पण ती चव आलीच नाही.>> अगदी खरंय वैनी. जावे त्यांच्या वंशा तेव्हा कळे म्हणतात ते काही उगीच नाही.

मी हल्ली ही भाजी किंचीत वेगळ्या पद्धतीने करते. म्हणजे मसाले वगैरे फार वेगळे नाहीत पण फरसबी चिरण्यातच फार वेळ लागतो. एक लांब फरसबी किंवा ग्रीन बीन्सचे आडवे दोन तीन तुकडे करुन त्यातला एक तुकडा घेऊन अर्ध्यात उभा चिरायचा. असे सगळं चिरुन कुकरला एक शिट्टी करुन घ्यायची. शि ट्टी पडली की मग चाळणीत बीन्स घेऊन पाणी काढून टाकायचं. हे सगळं करण्यापूर्वी थोडी चणाडाळ भिजत घालायची.
मोहरी, हिंग, हळद फोडणी करुन त्यात चणाडाळ, हिरव्या मिर च्या, भरपूर कढिपत्ता घालून मग शिजवलेले बीन्स. जरा वाफ काढून त्यात मीठ, साखर, भरपूर कोथिंबीर, ओलं खोबरं घालून वाढायची