मोहनथाळ..

रवेदार बेसनात मीठ व पाऊण वाटी तूप कडकडीत गरम करुन टाकावे.. चमच्याने छान एकत्र करावे.हाताने मुटका वळेल असे हे मिश्रण तयार होईल.

लागेल तसे दूध घालुन बेसन पिठाचा फार गिच्च नाही पण कोरडा असा गोळा तयार करावा.
[अर्धी वाटीपेक्षा कमी दूध लागते.]
या गोळ्याचे लहान-लहान चपटे मुटके तयार करावे.ते साधारण असे दिसतात.

आता कढईत उरलेले तूप गरम करायला ठेवावे.
तूप तापले कि हे मुटके मंद गॅसवर सोनेरी रंगावर तळुन घ्यावे.

[२ ते ३ चमचे तूप तळणीत उरते ते मुटक्यांवर टाकावे.]
मुटके थंड झाले कि मिक्सरमधुन फिरवुन बारीक करुन घ्यावे.
कढईत साखर व एक वाटी पाणी एकत्र ढवळुन पाक करायला ठेवावा.
झार्‍याने साखर सतत ढवळावी.साखरेचा २ तारी पेक्षा जास्त [२ तारी पाक झाला कि एक कढ/उकळी द्यावी.] पाक तयार करावा.गॅस बंद करुन पाकात वेलची पुड,व अर्ध्या चारोळ्या-काजु टाकावे.आता त्यात मिक्सरमधुन बारीक केलेले मिश्रण घालावे.
चमच्याने छान ढवळुन घ्यावे.मिश्रण घट्ट्सर तयार होते..आता एका तूप लावलेल्या ट्रे/ताटात हे मिश्रण पसरावे.उरलेल्या चारोळ्या व काजु वरुन पेरावे.
पसरलेले मिश्रण थोडे थंड झाले कि सुरीने वड्याचे काप लावुन घ्यावे..अगदी थंड झाल्यावर वड्या सोडवुन घ्याव्या..मावा न घालताही मावासदृश चवीच्या ,छान मऊ वड्या [मोहनथाळ,बेसनचक्की ]तयार होतात.

मोहनथाळ तयार आहे.