Name: वांग्याची भजी/वांग्याचे तळलेले काप
Cook time: १५ मिनिटे
Yield: प्रत्येकी २ कमीत कमी.
Cuisine: पारंपारीक मराठी

Submitted by जागू-प्राजक्ता-... on 2 December, 2011 - 14:53

प्रत्यक्षात लागणारा वेळ:

१५ मिनिटे

लागणारे जिन्नस:

कमी बिया असलेली मध्यम किंवा मोठी वांगी.
तांदळाचे पिठ २ ते ३ चमचे
चवीपुरते मिठ
हळद पाव चमचा
मसाला १ चमचा
तळण्यासाठी तेल

क्रमवार पाककृती:

१) वांगी धुवून त्याच्या गोल थोड्या पातळ चकत्या पाडायच्या.
२) चकत्यांवर मिठ, हळद, मसाला टाकायचे.
३) थोडेसे पाणी शिंपडून जिन्नस चांगले कापांवर एकजीव करायचे.

४) एका डिश मध्ये तांदळाचे सुके पिठ घेऊन त्यात हे काप घोळवायचे.

५) तवा चांगला तापवून, तेल सोडून हे काप मध्यम आचेवर तळायचे.

६) हे लगेच शिजतात त्यामुळे ३-४ मिनीटांनी उलट करून परत थोडे तेल तव्याभोवती सोडायचे व थोडा वेळ शिजून द्यायचे.

झाले तय्यार तळलेल्या वांग्याच्या तुकड्या म्हणजे वांग्याची भजी हो.

वाढणी/प्रमाण:

प्रत्येकी २ कमीत कमी.

अधिक टिपा:

हा प्रकार ८०% लोकांना माही असणार पण हल्ली कॅमेर्‍याला छंद लागलाय ना पदार्थांचे फोटो काढून माबोवर प्रकाशीत करण्याचा

तांद्ळ्याच्या पिठाच्या ऐवजी बेसनही वापरतात.
तेल आधीच जास्त घालू नका कारण तांदळाचे पिठ तेल लगेच शोषून घेते.
भाकरी व चपाती बरोबर एकदम छान.
लहान मुलांना आवडतात

माहितीचा स्रोत:

आई

आहार:

पाककृती प्रकार:

प्रादेशिक:

शब्दखुणा:

Groups audience:

पाककृती आणि आहारशास्त्र

Group content visibility:

Public - accessible to all site users

शेअर करा

यात भजी कुठे आहेत ?

Submitted by बाळू जोशी. on 2 December, 2011 - 22:32

जागू, जागू, जागू.... आता

जागू, जागू, जागू.... आता बाजारात गेलं पाहिजे, वांगी आणली पाहिजेत अन काप करून खाल्ले पाहिजेत... वांग्याच्या तुकड्या
मस्त गं
मी बरीक, यात लसूण बारीक चिरून पण घालते, तेव्हडीच माश्यांची जरा अजून चव

Submitted by अवल on 2 December, 2011 - 23:14

वाव...नक्की करणार. सिंपल मस्त

वाव...नक्की करणार. सिंपल मस्त रेसिपी.

Submitted by टोकूरिका on 2 December, 2011 - 23:22

मस्तच... सोपाय... नक्की

मस्तच... सोपाय... नक्की करणार!

Submitted by योकु on 2 December, 2011 - 23:24

कुरकुरीत लागतात हे काप (मी

कुरकुरीत लागतात हे काप (मी ८०% मधे.)

Submitted by दिनेश. on 3 December, 2011 - 00:03

मी ही अशीच पण बेसन लावुन करते

मी ही अशीच पण बेसन लावुन करते ही कापं, ती लांबट डार्क वांगी असतात त्यांची करते.

Submitted by मीसाक्षी on 3 December, 2011 - 00:08

मस्त फोटो जागू आमच्याकडे

मस्त फोटो जागू आमच्याकडे तांदूळाच्या पीठात रवाही मिसळतात. त्याने मस्त कुरकुरीत होतात काप.

Submitted by मंजूडी on 3 December, 2011 - 00:17

तो पा सु

Submitted by प्रितीभुषण on 3 December, 2011 - 00:28

अग्गो बाई जागू............काय

अग्गो बाई जागू............काय गं? एकदम वांग्यांवर?
असो .........अशीच कारली पण मस्तच होतात.
हो हो दिनेशदा मी पण ८०% त.

Submitted by मानुषी on 3 December, 2011 - 00:34

एक अवांतर आणी आगावु सुचना:

एक अवांतर आणी आगावु सुचना: पाककृतीमध्ये लागणार्‍या जिन्नसांमधे फोटो काढायला कॅमेरा हे पण हवे आहे ना?

Submitted by गिरीकंद on 3 December, 2011 - 00:43

मीपण हे रवा लावून करतो. छान

मीपण हे रवा लावून करतो. छान होतात

Submitted by जागोमोहनप्यारे on 3 December, 2011 - 00:46

नेहमी प्रमाणे मस्तच जागू,

नेहमी प्रमाणे मस्तच जागू, एकदम तोंपासु

Submitted by रचु on 3 December, 2011 - 00:56

बघुनच भुक लागली , नाही तरी आज

बघुनच भुक लागली , नाही तरी आज शनिवार आहे, हे चालेल

Submitted by ईनमीन तीन on 3 December, 2011 - 01:00

बाळू जोशी काही जण ह्याला भजी

बाळू जोशी काही जण ह्याला भजी म्हणतात.

नेहा, योगेश, साक्षी, दिनेशदा, प्रिती, रचु, इनमिनतीन.

मंजूडी,जागोमोहन आता मी एकदा रवा लावूनही करुन बघेन.

मानुषी मी परवाच कारल्यांचे काप केले. फोटो काढले आहेत रेसिपी वेटींग लिस्ट वर आहे.

गिरीकंद आणि एखादी व्यक्ती फोटो काढायला जवळ असेल तर तिही ऑप्शनल म्हणून.

Submitted by जागू-प्राजक्ता-... on 3 December, 2011 - 03:56

अशीच बटाट्याची, कारल्याची आणि

अशीच बटाट्याची, कारल्याची आणि नवलकोलाच्या सालांची कापंही करतात.
नवलकोलांची कापं दूधभाताबरोबर मस्त लागतात.
कारल्याची मसालेदार कापं ड्रिंक्सबरोबर छान लागतात. (म्हणे )

Submitted by प्राची on 3 December, 2011 - 06:12