जुन्या मायबोलीवरच्या फेमस तांदळाच्या पिठाच्या चकल्या

Submitted by बिल्वा on 21 October, 2011 - 09:51
प्रत्यक्षात लागणारा वेळ: 
३० मिनिटे
लागणारे जिन्नस: 

१. १ छोटा कुठल्याही ब्रँडचा sour cream चा डबा.
२. तांदळाचे पीठ
३. अगदी बारीक किसलेलं आलं
४. चवीप्रमाणे तिखट, मीठ
५. खसखस
६. ओवा

क्रमवार पाककृती: 

sour cream मध्ये मावेल येवढचं तांदळाचं पीठ घालायचं. त्याची consistency भाजणीचं पीठं जसं भिजवल्यावर असतं तशी झाली पाहिजे.
त्यात ओवा, तिखट, खसखस, आलं, आणि मीठ घालायचं. आणि लगेच चकल्या करायच्या.

वाढणी/प्रमाण: 
खाऊ तश्या :)
अधिक टिपा: 

अगदी, नाजूक, खुसखुशीत चकल्या होतात. चकलीच्या पिठात हळद घालायची नाही. हळद deep fry करताना जळते आणि मग काळपट रंग येतो.

ही मूळ कृती आर्चची आहे. जुन्या माबोवर तिने २००५ मध्ये लिहीली होती. आजपर्यंत दरवर्षी मी ह्याच रेसिपीने चकल्या केल्या आहेत. कधीही बिघडल्या नाहीत. अतिशय मस्त चवीच्या चकल्या होतात.

फोटो नाही. तुम्हीच करा आणि फोटो डकवा इथे.

माहितीचा स्रोत: 
मूळ रेसिपी आर्च ची आहे. जुन्या माबोवर ती इथे आहे. http://www.maayboli.com/hitguj/messages/103383/91783.html?1130424502
आहार: 
शाकाहारी
पाककृती प्रकार: 
दिवाळी फराळ
Groups audience: 
पाककृती आणि आहारशास्त्र
Group content visibility: 
Public - accessible to all site users
शेअर करा

हो, ह्या चकल्या मस्स्स्स्स्स्स्स्स्त होतात. फोटो बेशय.

Submitted by सुनिधी on 23 October, 2011 - 21:42

आर्च, मस्त दिसतायेत चकल्या. मी काल शोधले तांदळाचे पिठ पण नाही मिळाले मला. घरी मिक्सरवर तांदूळ दळून केलेले पिठ चालेल का?

Submitted by नलिनी on 24 October, 2011 - 14:01

आर्च, मी मागच्या वर्षी केलेल्या तेंव्हा त्या खूप तेलकट झालेल्या शिवाय चकली खाल्यानंतर sour creme ची after taste खूप strong लागायची. तू कोणत्या ब्रँड चं क्रीम वापरतेस? किंवा तळताना काही चुकलं असेल का?

Submitted by _मधुरा_ on 24 October, 2011 - 14:46

मी केल्या या पद्ध्तीने चकल्या...
चवीला चांगल्या झाल्या, पण तुकडे पडलेत.
चकली साच्यातुन काढताना च तुटत होती, अगदी कढइत टाकेपर्यंत सुध्दा एक्संघ राहिल्या नाहीत्..
माझे काय चुकले??

Submitted by बिनू on 24 October, 2011 - 14:48

मधुरा, खास कुठचा असा ब्रँड नाही. हळद घालायची नाही. आलं घातलं होतस का? आलं आणि ओव्याने sour cream ची टेस्ट जायला पाहिजे. नाही ग तेलकट नाही होत.

एक मुलगी, तांदूळाचं पीठ जुनं होतं का? ह्या खरच करायला सोप्या आहेत. एकतर पटकन होतात आणि खुसखुशीत होतात आणि रहातात. फोटोत दिसत नसतील पण दिसतातपण नाजूक.

बेफिकीर, घरच्या भाजाणीच्या चकलीची चव नाही येत पण छान लागतात. परिश्रमपण खूप कमी न! मुरकूसारख्या कडक किंवा बेचव नसतात.

Submitted by आर्च on 24 October, 2011 - 15:09

रैना | 25 October, 2011 - 00:11
आर्च काय सुरेख दिसतायेत.
>>>

आर्च | 25 October, 2011 - 00:39 नवीन

बेफिकीर, घरच्या भाजाणीच्या चकलीची चव नाही येत पण छान लागतात. परिश्रमपण खूप कमी न! मुरकूसारख्या कडक किंवा बेचव नसतात.>>>

आर्च = बिल्वा?

(घरच्या भाजणीच्या चकल्यांची चव नाही येत - तसं नाही हो, मी आपलं सहज विचारलं होतं, याही मस्तच लागतील याबाबत अजिबातच संदेह नाही.)

-'बेफिकीर'!

Submitted by बेफ़िकीर on 24 October, 2011 - 15:13

एक मुलगी, तांदूळाचं पीठ जुनं होतं का? ह्या खरच करायला सोप्या आहेत. एकतर पटकन होतात आणि खुसखुशीत होतात आणि रहातात. फोटोत दिसत नसतील पण दिसतातपण नाजूक.>>>

तांदळाचं पीठ याच आठ्वड्यात आणलं..दुकानात ते किती दिवस आधी पासून पडून होतं ते सांगता येत नाही.
बाकी दिसायला न चवीला छान झाल्यात. तेल्कट नाहीत, करायला अगदी सोप्या. लेक आनंदाने खातोय, तुकडे झालेत तर तोडण्याचे कष्ट वाचले म्हणायचे Happy

Submitted by बिनू on 24 October, 2011 - 15:13

Sour Cream ऐवजी काय वापरता येइल?>>> मलादेखील हेच विचारायचे होते.
मुंबईत मिळते का? कुठल्या ब्रँडचे?

चक्का वापरून पहा>>> अशी वर पोस्ट आहे. पण चक्का आंबट हवा का??

सायीचे आंबट दही चालेल का?

Submitted by मधुरा मकरंद on 30 August, 2012 - 05:23

वर्षा_म > sour cream ऐवजी चक्का वापरून बघता येईल.
चक्का आंबट नको.

मनी > sour cream मध्ये मावेल एवढं तांदळाच पीठ घालायच. किती चकल्या करायच्या त्यावर किती औंस sour cream घ्यायच ते ठरवायला लागेल.

Submitted by आर्च on 7 November, 2012 - 22:01

मी केल्या या चकल्या काल. मस्त तर लागत आहेत पण कुरकुरीत न होता एक्दम कडक झाल्या आहेत. काय चुकलं का ? की कुरकुरीत होतचं नाहीत या?

Submitted by supriya19 on 16 September, 2014 - 12:31

काल sour cream संपवण्यसाठी या चकल्या केल्या. मात्र या वेळी बेक केल्या. चांगल्या झाल्या म्हणून इथे नोंद करुन ठेवत आहे.
ओव्हन टेंप ३५० फॅ. कुकीशीटवर पार्चमेंट पेपर वर सोर्‍यातून चकल्या पाडल्या. सिलिकॉन ब्रशने तेल लावले आणि ओव्हनमधे १५ मिनिटे ठेवल्या. बाहेर काढून उलटल्या. पुन्हा ब्रशने तेल लावले आणि ओव्हनमधे १७ मिनीटे ठेवल्या. बाहेर काढून कुकीशीटवर गार होवू दिल्या.

Submitted by स्वाती२ on 14 January, 2022 - 09:16

Pages