* वांगी, टोमॅटो आणि कांदा हे सगळं धूउन पातळ आणि उभं चिरून घ्यावं. (वांग्याला पाण्यात टाकून ठेवलं तर त्यातली चांगली सत्व निघून जातात, तेव्हा पाण्यात टाकु नये). या सगळ्या भाज्या कापून एकत्र ठेवल्या तरी चालतील.
* फोडणीत, तेल गरम करून मोहरी-हिंग घालून मुगवड्या घालाव्या. २-३ मिनिटं परतावं.
* त्यावर थोड्या चिरलेल्या भाज्या घालून हळद, तीखट, मीठ, मसाला आणि चिंच घालून नीट परतावं. ऊरलेल्या भाज्या घालून परत सगळा मसाला नीट सगळ्या फोडींना लागेल इतकं ढवळून मंद आचेवर १० मिनिटं ठेवावं. त्यात वांग्याचा उग्र वास जाईल.
* परत एकदा भाजी घाटून, पाण्याचा हलका शिपका देऊन झाकळ घट्ट लावून भाजी शिजवावी.
मुगवड्या शिजल्या की ३-४ मिनिटं जास्त आचेवर भाजी फ्राय करावी. याच वेळी थोडा गुळ घालावा आणि बारिक चीरलेली कोथिंबीर पेरावी.