अपसरणचिन्ह :

नेहमीच
तिच्या बोलक्या डोळ्यांत उद्गारचिन्हं
भाव भिन्न भिन्न
नवलाई, आनंद, कौतूक,
भीती, वेदना, त्रागा
सगळं काही उच्चाराविना उद्गारणारी
उद्गारचिन्हं !!!!!!!

तिच्या बंद ओठांवरच्या अवतरणचिन्हांत
कायमच वसलेलं गूढसं मौन
आणि तिचे शब्द त्या भक्कम कवाडाच्या आत अडकलेले
जन्मठेपेचे कैदी
" "

चुकून एखादा शब्द ओठांबाहेर आलाच
तर त्याच्यापुढे अपरिहार्यपणे धावणारं
अपसरणचिन्ह ..................................
तिचं अपुरेपण सिद्ध करायला सिद्ध.......

अर्ध ; स्वल्प , अपूर्ण :
विरामांना तिच्या आयुष्यात स्थानच नाही