मुक्तता
Submitted by उमेश वैद्य on 21 April, 2011 - 10:15
मुक्तता
काही आहे करायचे काम हातावेगळे
आठवांना सोडायचे आज आहे मोकळे
पिंज-याचे काय काम रिकामा तो ही उरे
उघडतांना दार त्याचे हात का हा थरथरे
एक तरी परतूनी ते येईल आहे शक्यता
फ़िरूनी नाही कोंडायाचे त्यास लाभो मुक्तता
लागले जे रक्त त्याला कोणाचे हे ना कळे
दीनवाण्या पाखरांना मुक्ततेचे सोहळे
आठवांचे चिवचिवणे, किलबिल आता नको
उरली काही पिसे एकेक आता जाळणे
उमेश वैद्य २००९
गुलमोहर:
शब्दखुणा:
शेअर करा
