अवशेष

तलावाच्या मध्यभागी, एक प्राचीन मंदिर....
निळ्या पाण्यावर शोभे... शुभ्र संगमरवर...

देवदर्शन कराया... येती नेहमी भाविक...
वय वास्तूचे त्या किती? नसे कुणाला ठाऊक...
तलावातलेही पाणी, स्वच्छ निर्मळ सतत,
कुण्याकाळचे आश्चर्य.. नाही वाढत ...आटत!

स्थान केंव्हाचे हे इथे... पिढ्या अनेक पहिल्या...
आजूबाजूला काळाच्या... घड्या, मोडल्या पडल्या...

फोफावला चहूकडे... भवताली परिसर...
वाटे पाहते चोरून... भविष्यातले शहर...

थोडा कच्चा, थोडा पक्का.. रस्ता तळ्याच्या पूर्वेस...
अर्धवट रंगलेली, पाठ वाकलेली वेस...