डिजिटलथकवा

शीर्षक अपुरं आहे. पण ते फक्त लक्ष वेधून घेण्यासाठी आहे. डिजिटल थकवा ही समस्या आहे, पण विषय खोल आहे. सगळे पैलू मांडले तर पुढे चर्चा होत नाही असा अनुभव आहे.

एक पन्नाशीचे गृहस्थ आहेत. त्यांचं नाव रमेशचंद्र. त्यांनी आयुष्याच्या तिशीपर्यंत मोबाईल फोन टाळला होता. पण नंतर ते एकटे पडू लागले. त्यांनी जगाच्या रेट्याने फोन घेतला तो फीचर फोन होता. जोपर्यंत ते फोन घेत नच्व्हते तोपर्यंत त्यांना सल्ले मिळायचे कि टेक सॅव्ही असायला हवं. तंत्रज्ञानाच्या बरोबरीने रहायला हवं. सल्ल्याचं रूपांतर टोमण्यात झालं. नंतर तिरस्काराची भावना जाणवू लागली. त्यांनी मग नाईलाजाने मोबाईल फोन घेतला.