कृष्णमंदिर

नुकतेच नवीन घरात प्रवेश करून जेमतेम महीना झालेला, दिवाळी नवीन घरीच करूया यावर सगळ्यांचेच एकमत झालेले म्हणून कसेबसे काम संपवून नव्या घरात डेरेदाखल झालो. स्वतः चे स्वतंत्र घराचे स्वप्न पूर्ण झाले, मुलांना त्यांच्या त्यांच्या स्वतंत्र खोल्या मिळाल्या, आईंना त्यांचे मोठे देवघर आणि खोली मिळाली यामुळे मी, अहो, त्यांची आई, मन्या, आणि डुब्बी असे सगळे मनापासून सुखावले होतो.