रसवंती

आज नवीन वर्षाच्या पहिल्या दिवशी नक्की वाचा ही उसाच्या रसाची गोड रसाळ गोष्ट.

उसाचा गारेगार रस

मागच्या आठवड्यात सकाळी कामासाठी बाहेर पडले होते, सगळी कामं करता करता उशीर झाला. दुपारची वेळ, ऑक्टोबर महिन्याची हिट, वरून तळपणारा सूर्य ह्यामुळे तहान लागली, पाण्याचा शोष पडला. नेमकच पाणी नव्हतं माझ्याकडे त्या दिवशी. त्यामुळे उन्हातून भराभर चालता चालता सहाजिकच थंडगार उसाच्या रसाची आठवण झाली. रसाच्या नुसत्या आठवणीने ही छान गारेगार वाटलं आणि मन एकदम भूतकाळात गेलं.