देवदूत

देवदूत

"मॅडम, तुम्हाला निघायला अजून वेळ आहे?" हातात किल्ल्यांचा जुडगा घेऊन योगेश उभा होता.

"हो अरे, अजून किमान एखाद-दीड तास तरी लागेल. असं कर, तू जा. मी लॉक करून घेईन." शलाका म्हणाली.

आज शनिवार होता. दर शनिवारी रात्री योगेश त्याच्या गावी जायचा अन सोमवारी पहाटे परत यायला निघायचा. त्याचं हे रुटीन सगळ्यांना माहिती होतं.

"पण आता सगळे घरी गेलेत. ऑफिस मध्ये कुणीच नाही. तुम्ही एकट्याच आहात. बाहेर केवढा अंधार पडलाय बघा." त्याच्या स्वरात काळजी होती.